محمد صبحي يدعو قطبي الكرة المصرية لمباراة ودية لصالح مشروع "تطوير العشوائيات"

[محمد زنادة]

محمد صبحي يدعو قطبي الكرة المصرية لمباراة ودية لصالح مشروع "تطوير العشوائيات"

دعا الفنان محمد صبحي كلا من النادي الأهلي ونادي الزمالك أن يقيما مباراة ودية بينهما بستاد القاهرة يتوجه عائدها لمشروع "تطوير العشوائيات".

أطلق الفنان محمد صبحي دعوته من خلال حلقة مشتركة بين برنامجي "بكرة أحلى" الذي يقدمه الداعية الإسلامي عمرو خالد وبرنامج "واحد من الناس" الذي يقدمه عمرو الليثي.

انضم إلى الفنان محمد صبحي في دعوته الفنانة حنان ترك التي تشارك في حملة تمويل مشروع "تطوير العشوائيات" أيضا وذلك من خلال الحلقة، حيث قامت بجولة في أمريكا في إبريل الماضي لجمع تبرعات من المصريين في الخارج.



من جانبه أعلن صبحي أن إدارة الجيش تبرعت بمبلغ 50 مليون جنيه للمشروع ، كما ستقوم هي بأعمال التطوير بمعداتها وعمالها.

كما أكد محمد صبحي على قيامه بجولة في الخارج لجمع تبرعات من المصريين في الخارج خلال الفترة المقبلة.

من جانبهما أكدا كلا من عمروالليثي وعمرو خالد استمرار تقديمهما لحلقات مشتركة كل أسبوع لحين اتمام مشروع التطوير.

[mohab ghazy]

السلام عليكم ورحمه الله وبركاته
يا جماعه انا عندي اقتراح في مشروع تطوير عشواءيات مصر ونفسي حد يوصلني او يوصل رسالتي للاستاذ عمرو الليثي ومش لاقي
انا هكتب الكلام اللي عندي والتساهيل على ربنا بقا ومش هزهق لحد متأكد ان الكلام وصله
يا جماعه موضوع الحساب البنكي ده وانكم عايزيين الناس يروحوا البنك ويتبرعوا ده كلام مبالغ فيه اوي
انا مش هاخد تاكسي واروح البنك واقف في الطابور علشان اتبرع بعشره جنيه ولو عملتها مره مش هعملها تاني.....عايزين نعمل زي امريكا

1..صندوق تبرعات لصالح المشروع عند مدخل كل كليه في مصر يكون تحت تصرف عميد الكليه نفسه او الوكيل ويشرف عليه الطلاب اعضاء اتحاد الطلبه..وكل كليه تعمل صندوقها...مظنش ان دي حاجه صعبه
وانا شخصيا هعمل الصندوق بتاعنا في كليه طب اسكندريه
وكل يوم حد من اهل الثقه يفتح الصندوق ويروح يحطهم في الحساب البنكي...ومش هقلكم الحكايه دي هتلم فلووس اقد ايه
2..صناديق عند السينمات والمولات وممكن كمان في المدارس علشان نخلي الاطفال يشاركوو....وده هيجمع ملاييين والله يا جماعه....انا عارف انها عايزه شويه مجهود بس ده لانها هتجيب مقابل كبير
3...لازم بقا كل المشاهير((اللي احنا الشعب اللي لينا الفضل الاول والاخير في اللي هما فيه يردوا الجميل بقا ويكونو ايجابين مره في حياتهم))ويعملوا الاتي
1..لعيبه الكوره
احنا ممكن نعمل دوره مكونه من 4 فرق (الاهلي..الزمالك...الاسماعيلي والمصري مثلا )ويروح العائد بتاعها كله للمشروع....معلش هيتعبوا ويجيروا في الملاعب شويه بس علشان مصر تبقى احسن بقا
2...
المغنين لازم يعملوا حفلات ومش حفله واحده والسلام (كأنها جبران خواطر كده)..يعني مثلا لو عمرو دياب وتامر ومحمد منير كل واحد منهم عملوا 4 حفلات في انحاء مصر كلها والعائد بتاعها يروح للمشرووع برده
حتى المغنين اللي درجه تانيه ممكن يعملوا حفلات وكل حفله يكون فيها 3 مغنين مثلا....

4...الممثلين بتوعنا ليه مش بيعملوا زي الاجانب؟؟؟....لو كل ممثل مثلا عمل فيلم جديد وراح اتبرع بالقميص او التي شيرت اللي مثل بيه واتعمل عليه مزااد لصالح المشروع(زي ماعملها قبل كده عمرو اديب وباع ساعته بالمزاد بربع مليون دولار لصالح سرطان الاطفال)
وكذلك برده الممثلات والمزاد يتعمل في البرنامج ويتعمله دعايا واعلانات قبلها(وبرده دعايه مجانيه)

ياجماعه عايزين بقا نعمل حاجه للبلد دي...وعايزين حمله اعلاميه اكبر شويه ...في ناس كتير جدا لسه مش عارفه ..دا اي مغني بينزل البووم بيعمل حمله ليه اضعاااف الحمله اللي معموله للمشروع ده

لازم نجبر كل المشاهير الاول انهم يساعدونا واللي يرفض لازم يتفضح يا اخونا ومعدش فيه رحمه......كفايانا جشع....ولما الناس هيلاقوا المشاهير بيتبرعوا هما كمان هيتبرعوا......
عايزين نعمل حمله زي اللي كانت معموله لمستشفى سرطان الاطفال او اللي كانت معموله في الاستفتاء على التعديلات الدستوريه بتاعت سويرس دي......

ياااااارب صوتي يوصل وحد يسمعني
وعمار يا مصر
والسلام عليكم ورحمه الله وبركاته
مقدمه....مهاب غازي....كليه طب اسكندريه ..الفرقه الرابعه