المرأة الشرقية فى نظر الرجل الشرقى ..رؤية نقدية شرقية

[ندى إمام عبد الواحد]

المرأة الشرقية فى نظر الرجل الشرقى ..رؤية نقدية شرقية
**********************************************
المرأة الشرقية بالنسبة للرجل الشرقى هى "القرد " اللى ربنا خلقه للرجل علشان يتنطط له ويسليه، ولما يكون تعبان تجيب له الطشت وتدعك له رجليه وتطرقع له صوابعه ولما ياكل تجرى تجيب له الطبق وتغسل له أيديه. وعندما يكون مزاجه مش ولابد هناك دعوة ورؤية خاصة للرجال وهى أنه يجب عليها أن ترتدى بدلة الرقص الشرقية وتديها رقص علشان مزاج زوجها يتعدل ! المرأة الشرقية لازم تعرف إن الرجل الشرقى ده طفل كبير لازم تداديه وتهننه وتهشكه وتتعامل معاه على إنه طفل لكن هى طبعاً ليست أيضا طفلة كبيرة وعليه أن يعاملها بحنان وحب ودلع بل هى الأروبة المدئرمة الحلزونة الحيزبونة حتى لو كانت متجوزة عندها 16 سنة ! المرأة الشرقية فى نظر الرجل الشرقى مش بتفهم حاجة ومش بتقدَر حاجة ومش بتعمل حاجة غير المشاكل , المرأة الشرقية فى نظر الرجل الشرقى كائن غريب عجيب دخيل ولم يكن له لازمة من الأصل . المرأة الشرقية فى نظر الرجل الشرقى عورة !! حتى لو كان عندها 80 سنة !