مافيا مجلس الشعب

[علاء الملاح]

بسم الله الرحمن الرحيم


طبعا كلنا بعد ما نقرا شعارات اعضاء مجلس الشعب المرشحين كل سنة ويعملوا لنا البحر طحينة اللي نستني انه يهتم بالتعليم والصحة والثقافة وامور البلد ويوظف عيالنا واهلينا يجروا وراه ويشجعوه ويرشحوه وفي الاخر مش بنشوف وشه


وغير دا كله ان حصل معايا موقف شخصي من شهر تقريبا اني رحت لعضو مجلس الشعب اللي انا اتبع دائرته وحكيت له ظروفي واني مش بشتغل ومحتاج انه يرشحني لوظيفة حكومية فطلب مني طلب بسيط جداااااااااااااااااااا

قالي هات 25 الف جنيه عشان اشوفلك وظيفة!!!!!!!!!!!!!!!

تخيلوا شاب عنده 26 سنة ومش لاقي شغل وعايز اشتغل اي حاجة وكمان يقولي ادفع 25 الف

طيب والله انا لو معايا المبلغ ده او حتي نصه مش افتح مشروع احسن ولا رايكم ايه



وبعدين يا جماعة ؟؟ هايفضل حال الدنيا كده ؟ هو الغلط فين؟ فينا ولا في الحكومة ؟ ولا الغلط فين بالظبط؟؟

وبعد دا كله كمان بيسرقوا فلوس الناس الغلابة اللي بتتعالج علي نفقة الدولة يعني مش مكفيهم


اتمني اني اكون عضو مفيد للمنتدي ان شاء الله

[kookee]

بسم الله الرحمن الرحيم
واللهى أحنا عندنا فى بنها أعضاء مجلش الشعب ومشفناش حاجة وحشة منهم بل بالعكس بيسعدو الاهالى ومش معنى أن بيجيب للناس الغير مقتدرة العلاج على نفقة الدولة يبقى بيأخذ جزء لا واللهى عشان أنا شفت العضو بيعمل أية للفقرة عموما الدور والباقى على التأمين الصحى أنا مريض بمرض أسمة ( m.s ) وتكلفة علاجى فى الشهر مايقرب من 4000 الاف جنيها وبعد مرحلة عذاب مع التأمين الصحى كان رد التأمين أن العلاج غالى وعشان أنا موظف ليس لى على نفقة الدولة ( هذا ردى ) لاكن فى نفس الوقت حد من السادة المسئولين يشوف حل مع هيئة التأمين الصحى أو فى مشكلتى وشكرا