إضافة رد
 
أدوات الموضوع انواع عرض الموضوع
  #1  
قديم 09-26-2010, 08:04 AM
امةالله امةالله غير متواجد حالياً
عضو
 

افتراضي بكيت وانا اشاهد حلقة محمود

بكيت امس وانا اشاهد حلقة محمود فى برنامج الاستاذ العزيز ولابن الفاضل عمرو الليثى ونسيت همومى امام هذا الطفل اليتيم الذى ترك المدرسه علشان يشتغل ويصرف على اخواته البنات ودعيت له من كل قلبى بالفرج ووقفت عندما سأله الاستاذ عمرو الليثى كان نفسك تتعلم وتطلع ايه ضابط او دكتور او مهندس وقال الطفل كان نفسى اتعلم واطلع اى حاجة من ذلك ولكن الحمد لله اذداد بكائى على الطفل وعلى حالى انا وبناتى لانى كافحت وعلمت البنات لوحدى لان الوالد توفى فى ظل ظروف صعبة جدا وتحملت عشانهم كل المتاعب لحد ما وصلتهم لهذه المرحلة بفضل الله له الحمد والشكر والان ماذا بنا لا نقل شئ عن هدا الطفل المسكين من ظروف لو حكيتها لتحرك اصحاب القلوب الرحيمة فقط انا نفسى ابنى واستاذى الفاضل يعمل حلقة عن هذا الموضوع ان زى ما فيه ناس تعبانة لانهم اتحرموا من حقهم الطبيعى وهو التعليم وان ينعموا فى اسرة امنين ان فيه برضه ناس زى حالتى نعم اتعلموا ونعم زوجت بناتها بس هى دلوقتى وصلت لأيه؟؟؟؟؟؟؟؟ ولا حاجة زى ما هما بل حالتهم ازدادت ألم وعناء ويأس واكتئاب واحباط لأسباب كثييييييرة جدا اولها عدم الأحساس بالأمان وقال ايه ان احنا فى بلد الكل فيها سواء بسواء!!!!! ولكن أسألنى أنا كأم وخبرتى فى الحياة وصدماتى ان كل حاجة كويسة بالواسطة وهذا ما عانيته من 30 سنة الواسطة ولهذا السبب انا معرضة وبناتى الى الشارع والحبس الواسطة بنتى معرضة للأنتحار وعندها اكتئاب حاد الواسطة ضيعتنى وضيعت بنتى الان نعم هى حاصلة على مؤهل من المؤهلات التى استاذ عمرو سأل الطفل عليها ولكن اين نحن الان شبه ضايعيين ولولا ايماننا بالله أقسم لكنا انتحرنا والله لولا صلاتنا وقربنا من ربنا لكنا فى عداد الاموات نفسى فى الحياة ان يناقش مثل هذا الموضوع من استاذى وابنى استاذ عمرو ان برضه فيه ناس ظروفهم زى محمود بس بشكل تانى بس اقسم بالله مثلها تماما وربما اقل بس مقنعة والحمد لله فى كل الاحوال سامحونى يا جماعة انا اول مرة بحياتى اشترك فى موقع والحمد لله احسن موقع و كفايه ان الواحد بيكتب همومه لان احيانا اوجاعه وهمومه دى أقرب الناس مش بيحسوا بيها بس ارجو من اى حد يقرأ الموضوع يعرض الفكرة على الاستاذ عمرو الليثى ان فيه ام مريضةوالمرض يزداد عندها ويا عالم ها تعيش لما تطمن على بناتها ولا لأ بتتطلب من سادته ان يعرض هذه الحكاية ان برضه فى ناس اتعلموا واتخرجوا من كليات القمم ورائهم حكايات يشيب لها الشعر والحمد لله رب العالمين .

رد مع اقتباس
قديم 09-27-2010, 12:28 AM   رقم المشاركة : [2]
حبيبة
عضو
 
افتراضي

اها بجد كانت الحلقة مميزة جدا وتصل للقلب بسرعة ربنا يعوضهم يااااااااااااااااااااارب بكل شىء خير ليهم


حبيبة غير متواجد حالياً   رد مع اقتباس
قديم 09-29-2010, 04:01 PM   رقم المشاركة : [3]
محمد أفندى
عضو
 
افتراضي

يا استاذتنا الافاضل كثير منا من يعانى ومعاناته شديده جدا كمان ... ولكن الاخ محمود لم يكمل تعليمه واتجه الى العمل لينفق على اسرته ... فما بالنا بالمتعلم الذى لم يجد مكانا فى بلده .. اتذكر حلقه من فتره قد قام بها الاستاذ عمرو الليثى مع شاب كان يعمل فى السباكه وهو متخرج من كليه الاثار بتفوق من قسم اسلامى وفور انتهاء البرنامج تم تعيينه فى المجلس بعد مكالمه استاذ عمرو للاستاذ زاهى حواس ... طيب ده كان حظه حلو ونصيبه انه قابل استاذ عمرو الليثى وطلع فى البرنامج طيب مابالنا بباقى الناس ...... هقولكم على حاجه .... انا كمان خريج كليه الاثار ومتخرج من افضل قسم فيها واكثر قسم حساسيه وهو قسم ترميم الاثار .... وكنت اعمل وانا فى الدراسه ونزلت تدريب وها انا تخرجت هذه السنه دون عمل وقد قمت بدفع مبلغ مالى لاكمالى الدراسات العليا فى مرحله التمهيدى .... وها انا اعمل فى اى مهنه او اى عمل اتدرج من مهنه الى اخرى من عمل الى اخر بائع فى محل ... الى مركز صيانه ... الى سنترال ... الى محاره ... الى سيراميك وغيره وغيره وذلك منذ فتره لمحاوله ايجاد المال .... وقد سألت وتتبعت القنوات الشرعيه ... ذهبت للمجلس فلم اجد عمل وللهيئه لم اجد وكان الرد واحد ( روح اتعلم لك صنعه احسن ) بعد التخرج من كليه قمه اروح اتعلم صنعه ...... ده غير طبعا الناس اللى بتقول معاك واسطه محترمه تتعين من بكره .. مش معاك يبقى مفيش تعيين وانزل اشتغل فى اى شركه ب20 جنيه فى اليوم زى الصنايعيه وفى اى وقت يقولوا لك امشى مع السلامه ....... طيب اللى مش معاه واسطه ... واللى مش هيطلع مع استاذ عمرو الليثى فى برنامج عشان حد يبص له ويشغله ... يعمل ايه بقى ؟؟ !!!! حقا لنا الله


محمد أفندى غير متواجد حالياً   رد مع اقتباس
قديم 10-02-2010, 07:14 AM   رقم المشاركة : [4]
امةالله
عضو
 
افتراضي

الصبر يا ابنى ليس عندنا غيره والدعاء الى الله عارف يا ابنى انا معايا دبلوم تجارة من 30 سنة وقدمت فى اماكن عديدة جدا ومكنتش اعرف ان الواسطة هى اللى ماشية وعرفت متأخر بعد ما زى ما بيقولوا رجلية حفيت لا اله الا الله ربنا يصبرنا ويفرجها من عنده لكل الناس ومنهم ابنتى يا رب امين .


امةالله غير متواجد حالياً   رد مع اقتباس
قديم 04-17-2011, 06:18 PM   رقم المشاركة : [5]
سمير رجب
عضو
 
افتراضي

بالله عليكم ردو على شكوتى انا قاعد فى الشارع انا وعائلتى ومش عارف اعمل اية والله تعبت


سمير رجب غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
محمود, اشاهد, بكيت, حلقة, وانا


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع