الف الف مبروك ابليس هيهاجر خلاص @@@@@ - الموقع الرسمي للاعلامي الدكتور عمرو الليثي

طائر الليل الحزين · #1 06-10-2010, 08:26 PM

ابليس هيهاجر خلاص

على باب سفارة كندا

لمحت ابليس وف ايده استمارة ..

بقول له على فين .. قاللي بص.. يا هجرة يا إعارة..

يا عم زهقت كفرت.. ألاقيش معاك سيجارة..

أنا انتهيت خلاص!..

لا نافع وسواس ولا خناس.. ولا ليا عيش وسط الناس

دي عالم مجرمين.. عندكوا فائض ف الفساد.. في كل البلاد..

ومش محتاجين شياطين.. مليش عيش ف البلد دي ....

بقالي سنين عاطل...

وانتوا بتعرفوا.. تقلبوا الحق باطل..

وتسلكوا القاتل.. وتمشوا ف جنازة المقتول..

ومفيش مشاكل.. يا عم ده أنا بقيت أوسوس بالمقلوب...

وأقول للحرامي كفايه بقى توب.. انت هاتعمل كل الذنوب لوحدك...

وأنا ابليس أشتغل واعظ.. ولا كمساري ف اتوبيس..

يا عم ده أنا زمان.. كنت استنى حد ينسى يسمي.. وهو بياكل لقمته..

دلوقتي كل اكلكم ملوث.. وبصراحه الواحد خايف على صحته...

ده مفيش ضمير اساسا.. عشان أموته.. و كل واحد بمزاجه.. خربانه ذمته...

يا عم ده كل حاجه اتسرقت.. وكده الاجيال الجديدة ..م الحرامية اتظلمت..

يا راجل ده من كتر ما لطشت معايا..

خرجت ف مظاهرة..

مع الناس اللي بتقول كفايه ...و برضه مفيش فايدة

التوقيع

إبليس إللى كان شرير وتاب

اعجبتنى

safy nada · 06-10-2010, 08:37 PM

حتى إبليس لم يعد عاجبه حالنا الله المستعان

06-10-2010, 08:37 PM	رقم المشاركة : [2]
safy nada مشرف	حتى إبليس لم يعد عاجبه حالنا الله المستعان
safy nada مشرف	التوقيع: ليه الواحد ساعات يكون متضايق وتعبان ليه ربنا اعطى البشر نعمة النسيان علشان الكل يقوم من النوم مبسوط وفرحان انسى الالم والحرمان وتمتع بنعم الرحمن ان حسيت انك تعبان عليك بتلاوة القران***

روابط هامة

القائمة البريدية

الذين يشاهدون محتوى الموضوع الآن : 1 ( الأعضاء 0 والزوار 1)