إحـــــنـــــا الغـــلـــطـــانـــيـــن

[هاني هاشم أبو يوسف]

نفسى أغير مكانى.. وأعيش فى غير زمانى.. من غير ما أتعب وأعانى..
وأكون م المرتاحين..
لا هم يجينى تانى.. ولا خوف من الأمانى.. وأعيش حياة عجبانى وأكون م الفرحانين..
صاحية هناك المشاعر.. بالحب الكل شاعر.. ولا خاين كده ولا داعر.. ولا ألاقى هناك فاسدين.. الحق صوته عالي.. الكل قلبه خالى.. م الحقد والتعالى..
ولا أى حاسدين.. لا سرقة ولا رشاوى لا قلوب بتزيد قساوة.. بيتعاملوا بغباوة.. ولا فى رحمة ولا دين.. ونعيش دايماً فى النور.. ولا حاجز كده ولا سور.. يلخبط الأمور.. ولا إحنا داريانين.. فى دواء كده للتعبان.. وأكل لأى جعان... لا تايه ولا حيران.. يقول أنا فين أنا مين؟.. نفسى أشعر بالأمان.. والرحمة والحنان.. والتقوى والإيمان..
راحوا فين يا مصريين!.. العيب مش فى المكان.. ولا حتى عيب زمان..
العيب ده عيب إنسان