اخت Liooon
الأخت هايدي قالت انها عايشه في فيلا ... يعني موش حاسه بالشعب ومعاناة الشعب
ربنا يزيدها كمان وكمان
انت ماحسيتي بالجنة اللي كنا عايشين فيها ... جنة احمد عز ونظيف وجمال وصفوت وسرور وجرانه والمغربي والعادلي وعيشه هانم عبدالهادي وانس الفقي وغيره وغيره
جنه هواؤها فاسد ... وطعامها فساد وسرطان وكبد وكلى وضغط دم وسكر
جنه نسيمها ذل وهوان وقمع وزباله وطوابير
الأخت هايدي ماتعرف الشاب اذا اتعين في الحكومه بياخد كام ... اجمالي المرتب 210 جنيه مع البدلات والاعانات
مطلوب منه يكون رجل اقتصاد يسكن منهم بـ 600 جنيه ايجار جديد ويتعالج من ضغط الدم منهم وياكل ويشرب منهم ويلبس منهم ... ويفسح زوجته اذا تزوج منهم
ويحوش الباقي عشان يصيف
تمام زي احمد عز خير مثال للشباب المكافح
بدأ في فرقة طيبه الموسيقيه طبال مع حسين ومودي الامام وحوش لغاية مادخل الحزب الوطني وبسرعه اشترى مؤسسات الدوله وسكن في الفور سيزون
شفت الكفاح ازاي ... لأ وكمان حوش 40 مليار دولار
على فكره يا أختي ؟؟؟؟
هو المليار فيه كام 100 جنيه ... هو اكثر من الالف بكام جنيه ؟؟؟
اسألي هايدي يمكن تجاوب .
|