في ميزان حسناتنا
اولا انا بحبك جدا وبعشق برنامجك.خطرت ع بالي فكره ممكن انت تحققها تفاصيلها ممكن تترتب لكن هاديك راس الموضوع
عباره عن خصم 1جنيه شهريا من كل حساب في البنك بعد موافقة العملاء طبعا تتم عن طريق البنك وتودع في حساب خاص حتي اللي يحب يساهم فيه من نفسه وننشىء جمعيه الهدف منها زواج الشباب كتير مننا يقدر يفتح بيت لو بالقليل بس المشكله دايما في الدفعه الاولي وهي الاثاث والزفاف الحساب ده هايتم منه زواج عدد كبير من الشباب من خلاله شهريا وبكده حلينا مشكله كبيره جدا ستر البنات والشباب اللي نفسه يعف نفسه عن الحرام في زمن اصبح الحرام فيه عادي وده يبقي عن طريق مقر في كل مدينه كبيره للجمعيه تدرس الحالات المتقدمه للمساعده علي الزواج وتساعدهم عن طريق شراء مستلزمات الزواج بشيكات بنكيه لمحلات الاثاث والاجهزه الكهربائيه مش عايز اطول بس عندي افكار لخطواتها وضمان وصولها للي يستحقها حتي اني متبرع بدون اجر للعمل في الجمعيه لمساعدة الناس لمجرد قمة سعادتي وانا بعمل ده اعتقد انها تعتبر ايضا صدقه جاريه لكل من ساهم في هذا الموضوع مضمون الفكره اخذ تفكيري وشغلني وماكنتش عارف اوصلك لاني مش من هواة النت بس بحثت لغاية لما وصلت اتمني نحققها سوا لاني واحد من الشباب دول وحاسس بنفس المشكله اقدر اصرف علي بيت بس مش قادر اجهزه ودي الكارثه مش عايز حاجه لشخصي بس حلمت بالمشروع ده وحسيت انه سامي جدا وهايستر ناس كتير ويعفهم عن الغلط لو قدرنا ندعو للخطوه دي عندي افكار لتفاصيلها وتكملتها علي اتم وجه اعذرني علي اسلوبي في العرض بس كنت هاموت لو ماقدرتش اوصل الفكره دي للي يعرف يتناولها كويس ربنا يحميك ويقدرك علي كل خير لانك مصري بجد اخوك ضياء ابراهيم واسف لازعاجك وشكرا.
|