وعجبى
كانت دايما بين شفايفه
وجوا عنيه مليانين
وعجبى
تعالى شفها دلوقتى يا جاهين
وعجبى على أمك وأمى أم كل المصرين
وتعالى أنا وإنت نقول وندمى
وندمى على كل السنين
وندمي
على التاريخ والحضاره
بأت دلوقتى عند مين
وندمى
على اللى يقلد عريان وعريانه
ويقول دا فن كل الفنانين
وندمى
على اللى يربى فى وشه الدقن
ويقص جلبيته ويقول يا دين
وندمى
على اللى يلم حوليه واحد اعمى والتانى
اطرش ويقول إحنا بس اللى مسلمين
وندمى
على اللى يبيع عيشك وأوتك
وباقى الشعب يقول آمين
كنت زمان بتقول وعجبى وكانت
الناس طبقات أريبه من بعضها ومرتاحين
تعالى شفها دلوقتى واحدة فى السما
والتانيه أهلها متعذبين
لسه عايز تقول وعجبى
خليها وندمى عشان كلنا ندمانين
لأ وبنستخبى ورا جبان يقتل ولادنا
واحنا كمان حبين
حبين نبقى بالمخدر والسرطان فى
الفواكه كدا نايمين
ونقول اجرى يا واد هتلنا كمان
كيلو وابقى اتوصى بالفيتامين
وعجبى
اسكت يا صلاح اسكت يا جاهين
خلينا إحنا كمان ساكتين
شــمـــــس
إهداء إلى الفنان الرقيق