انا محمد محمد عبد الرحيم سليمان مقيم بالاسكندرية سني 21 سنه عندما جاء ميعاد اداء الخدمة العسكرية بالطبع تقدمت لاداء خدمة وطني ودخلت الجيش بوظيفة سواق وانا في الجيش حصلتلي حادثة مؤالمة وغير عادية يا جماعة انا عدت عليا دبابة انا عارف انها غريبة بس الحمد لله علي اي شي
بس دبابة صعبة جدا ياريتك تتخيل معني الكلمة بس؟؟؟اومال انا بقي جسمي شكله ايه دلوقت المهم انا دخلت مستشفي مصطفي كامل للقوات المسلحه بالاسكندريه وبصراحه استقبلوني احسن استقبال وقاموا بالاسعفات الاولية وقعدت فترة كبيرة في المستشفي وبعدها لما زاد همي وعلاجي كتر والعملية بتاعتي بقيت عاوزه فلوس كتير القوات المسلحة اتخلت عني ومع ذلك جه دكتور كبير علشان يعملي العملية بس مصاريفه كتير انا مش ببعتلكم بحكايتي علشان تساعدوني علي مصاريف العملية لاء والله انا بس عايز حقي من بلدي مصر .. وانا دلوقتي اسير مرضي ومنتظر قدري اما بالموت او الشلل او ........ ربنا كريم وكبير انا اعاني من تفتت في عظام الحوض ومش عارف ازاي اخذ حقي من بلدي في نفس الوقت اللي كنت رايح اديها حقها وبادعي من ربنا كلامي يوصل لكل وسائل الاعلام والتليفزيون ويارب الاقي حل ليا او علي الاقل الوطن مره يخدمني فيها