جرح الاهل
اه نــــقولهــــا بتوجعــــنا
واه نـــقولهــــا ولها معنى
واه قلوبنــــــا تداريهـــــا
مش اى واحد بيغني
بيبقى فرحان متهني
ده انا بغنى على جروحى
وغنايا بيخفف عنـــــــي
انا اللى ضيعت شبابي
عاللى فاكرهم احبابي
ضحيت كتير لكن هما
اتسببوا كتير فى عذابى
الكل فى الشدة فاتونى
ويا الجروح زادوا همومى
استكتروا الفرحة عليا
بريء وناس اتهمونى
يا دنيا ليه قاسية عليا
خفى الهموم عني شويه
على دموعى بنام واصحى
ده انا خلاص مبقاش فيا
انا اللى ببكى فى يوم عيدى
والدم يصرخ فى وريدى
مش لاقى حد يقف جنبى
ولا لاقى حد ياخد ايدى
الاقى مين يحمل همى
لا خالى يقدر ولا عمى
ومين اروحله اشكيله
من بعد ابويا وبعد امى
انا اللى زايدله حنينى
مش لاقى صاحب يحامينى
امورى زادت عن طاقتى
وبقيت فى سن سابق جيلي
اشكى لمين عاللى جرالى
ومين هيسمع موالى
الشكوى للعبد مزلة
ارحم بئه يازمان حالي
انا اللى طول عمرى بأسى
وحياتى مليانة مأسى
عايش وحيد فيكى يادنيا
غريب مابين اهلى وناسى
يا دنيا هاتى كمان هاتى
مين اللى حاسس بأهاتى
حبايبى مش حاسين بيا
ولوحدى فايتنى ليلاتى
يازمانى مقدرش اعاندك
ولا اعرف ايه مكتوب عندك
ادينى من الفرح نصيبى
ولا ماليش افراح عندك
وااااااااااااه نقولها سنين بطولها
واااااه قلوبنا تداريها
يارب يا سحر تكونى عرفتى الاغنيه دى
وشكرا على مواضييعك المتقدمه الى الامام