هل احمد عز مصري ؟
سؤال انتشر مؤخرا في بعض الصحف اثارته احد الصحفين عن احمد عز ملك و محتكر الحديد في الشرق الاوسط
ليه بقه ؟؟؟؟ عشان الاستاذ احمد عز بيطالب بحرية بيع الاثار المصريه كمنتج عادي
الباشا بيطلب بيع تاريخ و حضاره عظيمه و كبير
ده المصري في اي بلد غريبه بيفتخر بحضارة بلده طيب بعد ما تبيع حضارة بلدك اي تاني ممكن يكون موجود تفخر بي ، طيب بعد لما تبيع اثارك السياحه حتكون عندك ايه ؟؟؟
طيب و احنا صحيح مزعلين نفسنا ليه هو ايه فاضل في البلد مابقاش رخيص
المصري اصبح رخيص و الشرف اصبح رخيص و الضمير اصبح رخيص
فاضل ايه تاني نبكي عليه
بس السؤال اللي مفروض يطرح و اتمنه حد يجاوب عليه
اي تجاره ليه تاجر جمله
ياتري مين حيكون صاحب البضاعه؟
و ياتري مين حيكون اصحاب المحلات اللي حتبيع الاثار؟
وهل فلوس البضاعه حتخش جيب مين ؟
وهل احمد عز قرر انه يشتغل سمسار اثار و يسيب الحديد ؟
هل فعلا مصر في نهايتها حتي نقوم ببيع اغل ما فيها ؟
نفسي اسمع صوت توت عنخ امون و لا مينا ولا حتشبسوت ولا رمسيس
حيقول علينا ايه هل انت مصري فعلا ولا لاء ، بكره حنشوف تسعيره جديد
الاهرامات بكام مين يشتري
حضاره وشعب بيرخص مين يشتري ...مين يشتري