حسن حمدي:
** يارب وانت في ألمانيا ييجي لك عقد احتراف انت والخطيب وخالد مرتجي وتفضلوا في ميونيخ علشان الزمالك ياخد الدوري!!
الأهلي:
** اللي ييجي عليكم ما يكسبش.. نحستم فريق جانرز بتوع الجزر ومش لاقيين حتي ثمن التذاكر لمباراة القاهرة!!
الزمالك:
** المئوية علي الأبواب ولا احتفالات ولا استعدادات ولا حس ولا خبر.. خليكم للمئوية وخمسين!!
إنبي:
** لو عايزين تكسبوا النهاردة جركن "بنزين" وكام شمروخ وولعوا الملعب!!
حسن صقر:
** انتهز فرصة مؤتمر "الاستثمار الرياضي" وافتح منفذ لبيع الأفيال والأسود والفهود والثعابين والنسور.. و"الصقور"!!
الإسماعيلي:
** تامبونيز كان وجبة سمك شهية بالمايونيز!!
محمد راو-راو:
** ضحكت علي أحمد شاكر ومحمود الشامي ولبستهم العمة؟!.. بين المنصورة والمحلة سرقوا الحمار مني!!
عصام الحضري:
** النادي الاسماعيلي يعرضك للبيع بأعلي سعر.. هو لامؤاخذة انت موديل كام؟!
حسام حسن:
** لو فاز الزمالك بالدوري تدخل موسوعة جينيس.. لو خسر البطولة تدخل موسوعة شعبان عبدالرحيم!
أيمن عبدالعزيز:
** مبروك عودتك من تركيا.. انضم للأهلي مع جمال حمزة لتكون أجمل هدية من الزمالك في عيد الأم!!
أحمد حسن "دروجبا":
** سجلت هدفا من تسلل وخلعت الراية وعملتها مجداف واعتديت علي المنافسين.. انت لا تصلح إلا مراكبي.
حرس الحدود
** موقفكم صعب.. إما الفوز في السويس.. وإما يرهنكم بتروجت في البنك الاثيوبي!!
حسام البدري:
** يا "جزار" كده "تدبح" الفرقة في هراري؟!
إبراهيم حسن:
** "اصحابك باعوك لروراوة.. تنازلت عن القضية ولم يرفع عنك الايقاف.. فعلا كان لازم تاخد حقك بدراعك.
أحمد سمير فرج:
** لا يهم أن تسجل في الدوري مادمت قادرا علي التسجيل في افريقيا.. الاسماعيلي لم يفز بالكأس منذ عام 69!!