ألف أهـــــــا

ألف أهـــا فحلـقي يـامه لــو أقـولهـا تهـيج بحـور
أه يـا بـلـدي أه يـا أمي أه يـا ضـعفى بين صـقـور
أه يـا صحبى أه يـا لـهـوي أه يـا حــرتى فـلأُمــور
كل يــوم بـتـأكد إني حــمـار وعـقـلى عـقـل طـور
الحقـيقـة لـسـه ضيـعـه لـسـه تيـهه ف الثـُـغـــور
نفسى أعرف أيه بيجرى نفسى أنطق نفسى أثور
نفسى مره أشوف بعينى كلمة وضحه ع السـطور
نفسى أحس بأني عــايـش ليّـــه حق و ليّـــه دور
نفسى أعرف مين يفضل مين يمشى ومين يغــور
ألف أهـــا فـحلـقي يـامه لــو أقـولهـا تهيج بحـور
الديــابه لـسـه عــايشـه لـسـه سكنـه ف القـصور
عيشـه جوا لـيالى حمره ديبه جوا كسـات خـمـور
كل يــوم عـمـالـه تنهـش كل يــوم بتـزيـد غــرور
والغـلابه لـسـه ضـيعـه لـسـه مـرميـه ف جـحـور
والـمـدينـة جيـفـه رمه محـوطيـنهـا بـألـف ســور
الفـقيــر فـيهـا أفـتـقــر مـن فـقـره فــرت الـطـيور
ألف أهـــا فـحـلـقي يامه لــو أقـولهـا تهيـج بحور
ألف أهـــا من المـلل ومن الــروتين ومن الفتــور
ألف أهـــا من الفــوارق بين حرامى وعب شكـور
ناس تنام على ريش نعـام وناس تنـام جوا القبور
ناس بتـفـطر عـالبـسين وناس بتفـطر عـالخـبـور
ناس حُمهـا بميه سُخنه وناس بتــولع عـالـبابـور
ناس بتهضـم بالعـصاير وناس بتهضم بـالـكـلــور
ناس بتطحن بدره بيضه وناس بتنحت فالصــخور
ألف أهـــا فـحــلقى يامه لــو أقـولهـا تهيـج بحـور
وأنـت يــاللى الـظــلام عــم فـيــك مـن بـعـد نـــور
سـلسـلـوك قـــيـــدوك خــدت دورك فـــ الـطــبـور
أنـت فـــاسد ولا ظـــالــم ولاّ جــه عـليــك الـــدور
أنـت تـــابـع للى خـــاين ولاّ خاين مـــ الجــــــذور
أنـت حــــق ولا بـــاطــل ولاّ أكــلــوك الـنــــسـور
حيــره سكنـه فيـه يـامه ودمــى كـل يــوم يـفـــور
نفسى أعرف أيه بيجرى نفسى أنطق نفسى أثـور
أه يــا بلــدى أه يــا أمى أه يــا حـــرتى فـــلأُُُمــور
***************
بقلمى الصوت الحر