لمن يجرؤ اللي خايف يروح
 

بصراحة انا شفت سؤالك
جميل جدا والله موضوعك
انا والعياذ بالله من قولت انا
الحمد لله والشكر لله
والله العظيم الحمد لله طول عمرى صادق مع كل الناس وعمرى ما ضحكت على حد او حبيت انى اضحك على حد
وعمرى ما اتسليت على حد او حبيت انى اتسلى على حد
وعمرى ما خدعت حد او حبيت انى اخدع حد
ولا عمرى مثلت على حد ولا محتاج انى امثل على حد
وليه امثل على اى حد يعنى
من الاخر مفيش احسن من الصدق فى كل شى

جزاك الله خيرا على موضوعك الرائع
بس انا شايفه ان لازم اكون نفسى
وليه ابقى مصطنعه هاستفيد ايه
انا مومنه ان الانسان عمره ما هايكسب غير اللى ربنا كتبه ليه
2 وان الانسان المنافق عمره ما هايبقى متصالح مع نفسه
وحاسس دايما انه غريب عن نفسه وبجد هاحس انى مستحقره نفسى اووووى
وانا بحب ان اكون متصلحه معها

الموضوع حلو جدا ودة اللي شدني ارد عليه انا شخصيا اللي جوايا بيبان في عيوني مهما حاولت اخبيه بس انا حاولت مرة اني امثل دور الشخصية الاجتماعية ودة لغرض واحد بس ان اي حد بيعرفني لاول مرة بيتخيل اني عندي نوع من الغرور في التعامل مع الناس لان انا هادية بطبيعتي وللاسف ما عرفتش انجح في دة بس كنت حابة اوصل للناس الحقيقة لغرض نبيل يعني ومن ساعتها قررت اكون نفسي وبس

[align=center]أكيد الواحد لما بيتعامل بيتعامل مع الشخص اللي برتحله فهيبقي ليه الغش او الخداع أو التمثيل في العامل معاه.

الحمد لله ربنا يديم علينا الصدق في التعامل[/align]

عندك حق فى موضوعك وبحييك عليه بس البنى ادم اللى بيتقى ربنا فى كل حاجه هيبقى صادق دائما بس للاسف دايما بيحصل العكس معايا بس الحمدلله على كل شئ

موضوعك يا طائر الليل الحزين ليس بحاجة للهروب وعدم الرد عليه عند قراءته .. ونحن نحييك عليه لانه موضوع اجتماعى من الدرجة الاولى

من كان واكبا جناح الرحمن.. انار له سبحانه وتعالى طريقه .. وانار له بصيرته..وجنبه شر النفاق والمنافقين.. وملأ حياته بالصدق الذى اذا واكب صاحبه لن يضن فى طريقه ابدا
من جعل صلته بالرحمن دائمة لا تنقطع .. من توجه له فى كل امر يخصه سواء كان صديقا او حبا او اى تعامل مع اى شخص اكيد انه لن يكف عن مساندتنا.. اما عن التمثيل من اجل المصالح.. ما الداعى لهذا..؟!
فمهما وصلنا من مراكز فى الدنيا لن تعادل مكانة اقل واحد فى اقل درجات الجنة ..ولن يبقى لنا فيها سوى سيرتنا الطيبة وعملنا الصالح .. فنحن راحلون راحلون
وطال العمر او قصر .. لن نأخذ من الدنيا سوى ما كتبه لنا الرحمن..
كن مؤمنا بالرحمن ونصيبك من الدنيا..كن متصالحا مع نفسك ومن حولك.. كن صادقا حتى يوفقك الرحمن فيما تسعى فيه وحتى تجمع قلوب من يحبونك حولك

مساء الخير
موضوعك كويس جدا
انا هقولك بالنسبه ليا انا كنت انسان عادى جدا زي اى انسان شائت الظروف بفضل الله انى اكون مسئول عن رابطه مشجعي الاهلى في دمياط وانى يحصل الشرف انى اطلع في كزا لقاء تلفزيوني خصوصا اول حلقات برنامج من الناس وبرنامج الكابتن شوبير لما يبعتلي كاميرا في بيتي تصور شرف كبير+الكابتن مدحت شلبي والخ ناهيك عن حورات في مواقع وجرايد طبعا الانسان حاله اتغير من انسان عادي لانسان مسئول مش هقولك مشهور ولكن هي هي طبيعتي مافكرتش اتكبر علي حد اتعالي على حد وصلت لناس عمري ما فكرت انى اوصلهم اخري اشوفهم في تلفزيونات علاقتي جامدة بلاعيبه الاهلى وحاجات كتيرة جدا اتغيرت في حياتى
بس ولا مرة حصلي انى اكبر على حد او انى استغل دور مش دوري

بس انا ساعات بهزر كتير من اصحابي طبعا الي وصلوني لكدة خصوصا الي دخلوني نت والي خلونى في الي انا فيه
اقولهم انا الي عملتكوا واهزر وعمري ما انكر خيرهم عليا

انا شايف ان اى حد يستغل دور مش دورة يبقا عندة نقص

اما انا انسان عادى جدا احب كل الناس ليس لى من الاصدقاء الا واحد ذهب الى عمل له فى احدى الدول العربيه فاصبحت لا اجد الا اسرتى الصغيرة هيا كل ما عندى فى الحياة

اما التكابر وكدة يعنى لا يوجد فى شخصيتى اى تكابر والعياذ بالله احب ان افرح من حولى اما انا فلا ارى احد يفرحنى كما أفرحته

لا ارى غير عملى واسرتى فقط هما كل ما يخصنى فى الحياة

لا عندى وقت اجلس على قهوة ولا عند صديق لاننى كما قلت ليس الا بصديق واحد وقد تركنى وذهب وذهبت احلى ايامه الجميله كان كل شئ بالنسبه لى وكان ونعم الصديق اما السوق المصرى هذا لا يوجد فيه وقت كافى الا فقط لكى تعرف ان تخرج وترجع بلقمه للاولاد

لا يوجد عندى غير اسرتى وعملى

عملى اعمل على ما اقدر

واسرتى على ما اقدر اعمله معهم اعمله واعطيهم حقهم
بس هذا انا

لكم كامل التقدير والشكر والثناء لحضوركم وتواجدكم
طائر الليل الحزين