|
هل تصدق؟
السلام عليكم ورحمة الله وبركاته
ممكن تحالوا تقرأوا الموضوع ومتزهقوش هو مش طويل بس عايزة اعرف رايكم فيه هو عبارة عن حكاية فتاة .ونيابة عنها اردت أن اعرضه قدر استطاعتى وهذا الموضوع قصة غريبة بدأت عندما انهت مرحلة دراستها الثانوية وعندما كانت هى الأولى على زميلاتها الموجودين معها بمحل دراستها وطبعاً تقدمت لمكتب التنسيق وهذا طبعاً شىء طبيعى ومعروف طبعاً وكالعادة وكما تعلمون جميعاً ينتظر الجميع صبيان وبنات نتيجة مكتب التنسيق وهى مثلهم طبعاً وبعد أن ظهرت النتيجة وكانت كالتالى يختلف تنسيق الصبيان عن البنات ولو فكرنا ان فى تنسيق حد من الجنسين اعلى من الآخر ياترى المفروض يكون مين الأعلى دا لو المفروض يكون فى فرق اصلاً المهم مش عايزة اطول كانت نتيجة التنسيق ان تنسيق البنات اعلى من البنين مش بدرجة ولا اتنين ولا حتى عشر درجات لاء أكتر كمان ياترى ايه رد فعلكم عند اللحظة دى لو ولد او بنت وانت او انتى وكان اياً منكم مجموعه اعلى بدرجات كتير والاقل منه جاله طب وصيدلة وهندسة وكان مبرر الجامعة ان النظام كدا وقال ليه علشان الجامعة رأيها ان هم عاملين ليات اكتار للصبيان ودا نظامنا وخلاص ماشى لحد هنا وماشى التحقت بكلية تانية وقال الكلية دى تبع الجامعة بس بقى الجامعة خلت تنسيقها للبنات اعلى من طبي وصيدلة وهندسة فكروا فيها بقى لو حبيتوا بس هى فكرت وأهلها طبعاً يعملوا تظلم ولم تأخذ القرار الجازم الا عندما وجدت زميلات لها قد قررن ان يقدمن تظلم أو بالأحرى رفعوا قضية بدعوى المساواة بين كلاً من البنين والبنات تخيلوا ناس بتنادى ان الست تكون قاضية وهم حتى معرفوش يتساووا حتى بالمجهود والنتيجة العادية للمجهود مع ان للعلم بالشىء امتحان بنين زى بنات مش اصعب ولا حاجة طيب قولوا رأيكم بدون النظر من حيث النوع ان كان بنت او ولد هل من حق حد فيهم يتميز عن التانى الا بمذاكرته ومجموعه بصرف النظر عن نوعه ولا ايه رأيكم ؟ المهم البنات دول استمروا فى الكليات اللى التحقوا بيها ماشى وهذا مع استمرار القضية وبالفعل أخدوا حكم بالمساواة وكل منهن لها الحق فى الالتحاق بالكلية التى من المفترض لها ان تلتحق بها وبالرغم من هذا فقد تراخت الجامعة عن التنفيذ مباشرة بل انتظرت حتى اتممن عام كامل ومنهن من اتم عامان دراسيان بالكليات اللى كانوا فيها وبنجاح للعلم فقط وحدث هذا تفضلت الجامعة وتكرمت وفى العام الثالث قامت بإرسات خطابات ترشيح جديدة على اساس حكم المحكمة بالكليات الموافقة لمجموع البنات دول ونفذوا بصرف النظر عن السنين اللى ضاعت ماشى وطبعاً كل الخطوات دى حصلت للكام بنت اللى رفعوا قضايا الا انه وبعد مضى عامان وبداية الثالث تفاجأت الفتاة محور موضوعنا إن الجامعة بعتت لها جواب فحواه (محتواه) بيقول انه على الطالبة العودة الى الكلية التى كانت قد التحقت بها أولاً حضراتكم معايا ؟ هاااااااااا خير الحمد لله مقدرين حجم المفاجأة وهذا بعدأن أمضت الفتاة عامان ودخلت بالعام الثالث بكلية الطب وبنجاح على فكرة تخيلوا بقى متخيليين؟ ولو عايزيين تعرفوا غيه الجامعة اللى ممكن تعمل كدا؟ دا لو معرفتوش لو قرأتم ما كتبت وعايزيين ومهتمين تعرفوا الباقى أتمنى تبعتولى للاهمية ولو عايزيين تعرفوا غيه الجامعة اللى ممكن تعمل كدا؟ دا لو معرفتوش استوعكم الله |
اهلا بيكي اختي
ياريت تكملى موضوع الجامعه |
اشكرك بداية على اهتمامك
هى جامعة ندنا فى مصر بس نظامها مختلف تنسيق البنات فيها اعلى من تنسيق الاولاد ممكن تتخيل حضرتك لو العكس ايه اللى كان ممكن يحصل |
واستكمالاً للموضوع
ان هذه الفتاه حاولت بشتى الطرق أن تكمل دراستها بكلية الطب على ان هذا من المفترض ان يكون حقها إلا ان الجامعة وبكل استهانة لم تهتم لأمرها مع العلم ان باقى زميلاتها ممكن هم لهم نفس الظروف الخاصة بالقضية قد استمروا ولم يحدث ما حدث إلا معها ومع اثتنين من زميلاتها وبدون مبرر لأن هؤلاء الفتيات قد نجحن حقاً ومن الداعى للإستغراب ان هناك اخريات قد حكم ضددهم ولم تخرجهم الجامعة ولكم أن تتخيلوا الأسباب وللحديث بقية هذا إن أردتم مع العلم ان المتبقى مهم جداً وقد ترتب عليه الكثير وهناك الكثير من الأسئلة عليكم بتخمينها هل هذه الفتاة أكملت دراستها بالكلية الأولى التى قد التحقت بها أولاً ؟ هل واجهت الصعوبات ؟ هناك اجابات لأسئلة كثيرة أتمنى من حضراتكم ان تتخيلو الأسئلة وعندى بمشيئة الله لها أجوبة استودعكم الله |
بصراحة انا اول مرة اشوف جامعة بتاخد تنسيق البنات مختلف عن الصبيان
|
اهو حصل
وادينا شوفنا واعرفنا فما بالك باللى جرب وفى بنات كتيرة اتعرضوا لمواقف زى دى بس الفتاه صاحبة المشكلة هى ومن معها قاموا بالرد ولكن وعذاراً فى مثل شعبى يؤكد ما حدث لها هى والفتاتان اللائى كن معها من ضمن مجموعة تضم 30 بنت يعنى الجامعة حاولت تخوف باقى الناس فعملت فيهم كدا وربنا هو المطلع واتمنى أقدر اوصل الموضوع دا لأكبرعدد من الناس ويكون له صدى جيد |
انا اول مرة اعرف ان فى جامعه بتعمل كده ان التنسيق بتاعها تختار البنات بشكل والشباب بشكل تانى....
|
طيب هو حصل بجد ودا ترتب عليه حاجات كتير حالياً بالنسبة لهذه الفتاة خاصة وللكثير عمواً
طيب ايه رأيك ممكن تقولى انتى بتقترحى ايه هى حاليا لها الحق فى استكمال القضية وكمان المشكلة الكبيرة ان الثلات سنوات اللى قضتهم فى كلية الطب والمشاكل اللى حصلت ترتب عليهم تاخير فى تخرجها وكمان فى بعض وظائف بتشترط سن معين وهى مغلوب على امرها طيب تعمل اكتر من ان هى لما حتى رجعت للكلية الأولى نجحت وبتقديرات عالية كمان وقال ايه الوظيفة محتاجة سن معين ايه رأيك ياتوتا تتنازل ولا تكمل علشان تاخد حقها هى معترفة ان دا قضاء الله بس ؟ |
لاتكمل ومتسبش حقها هو صحيح احنا كلنا تحت رحمه ربنا وده قدر وقضاء الله بس ده حق ليه تضيعه خليها تكمل وتستخير الله وتتوكل عليه ربنا معاها
جزاكى الله كل خير |
وجزاكى كل خير
بس ياترى رأيك انها تحاول تنشر الموضوع بشكل اوسع لانها طول الوقت دا فضلت تسكت وتخلص دراسة والقضية كانت شغالة بس يمكن ماخدتش حقها علشان محدش حس بيها ؟ ممكن؟ |
| الساعة الآن 10:41 AM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المشاركات والمواضيع بالمنتدى تعبر عن وجهة نظر كاتبها ولا تعبر بالضرورة عن وجهه نظر الموقع
الموقع برعاية الشركة المصرية لتطبيقات الانترنت