|
قصيدة يابلادى شعر عماد على قطرى
يا بلادي يا حزينة
فرحنا باق بقلبي رغم أصوات العويل فاستريحي.. إن يكن ليل حزين أو طويل أو ذئاب الأرض ثارت بالحديد لا تبالي... مر ليل مثل ليلي بل كئيب جاء ذئب نسل ذئب بل يزيد كلهم راحوا ويبقى فجرنا يحمى المدينة يا بلادي يا سجينة إن يكن قيدي علاني فاعتراني بعض أعراض السكوت أو خبا صوت فناجى درب عجز أو سكوت لا تبالي.. لن نموت *** قيدنا أوهي كثيرا من خيوط العنكبوت يا بلادي يا سفينة شطنا يبدو قريبا خلف هاتيك الهواجس والنوارس.. لم تخن درب الفوارس فاستريحي لا تبالي واستعيذي من أذى لص يباهي بالأبالس ربما غاب الفوارس لم يموتوا ربما تزهو الوساوس ربما.. لكن ستبقى قبلتي والخمس عهد والتقى في القلب حارس *** يا بلادي يا رهينة خلف خوف من سجون أو نجوم أو سيوف لا تجوع صوتنا آت ينادى.. في القرى... نيل النجاشي في المدن ... أقصى النجوع فجرنا رفض الخنوع فجرنا لا.. ألف لا.. من بعد لا.. للعجز أو درب الركوع فجرنا صبر ولكن.. ليس عجزا أو دموع فجرنا فجر سيحمى نيلنا المحفور فينا.. شعبا في كل واد فافرحي ما دمت فينا..في الفؤاد |
تسلم ايديك امتعنا دائما قالولي بتحب مصر فقلت مش عارف المعنى كعبة وانا بوَفْد الحروف طايف وألف مغزل قصايد في الإدين لافف قالولي بتحب مصر فقلت مش عارف ما يجيش في بالي هرم ما يجيش في بالي نيل ما يجيش في بالي غيطان خضرا وشمس أصيل ولا جزوع فلاحين لو يعدلوها تميل حكم الليالي ياخدهم في الحصاد محاصيل ويلبّسوهم فراعنة ساعة التمثيل وساعة الجد فيه سخرة وإسماعيل ما يجيش في بالي عرابي ونظرته في الخيل وسعد باشا وفريد وبقيّة التماثيل ولا ام كلثوم في خِمسانها ولا المنديل الصبح في التاكسي صوتها مبوظُّه التسجيل قالولي بتحب مصر فقلت مش عارف لكني عارف بإني إبن رضوى عاشور أمي اللي حَمْلَها ما ينحسب بشهور الحب في قلبها والحرب خيط مضفور تصبر على الشمس تبرد والنجوم تدفى ولو تسابق زمنها تسبقه ويحفى تكتب في كار الأمومة م الكتب ألفين طفلة تحمّي الغزالة وتطعم العصفور وتذنِّب الدهر لو يغلط بنظرة عين وبنظرة أو طبطبة ترضى عليه فيدور وأمي حافظة شوارع مصر بالسنتي تقول لمصر يا حاجّة ترّد يا بنتي تقولها احكي لي فتقول ابدأي إنتي وأمي حافظة السِيَر أصل السِيَر كارها تكتب بحبر الليالي تقوم تنوَّرْها وتقول يا حاجة إذا ما فرحتي وحزنتي وفين ما كنتي أسجل ما أرى للناس تفضل رسايل غرام للي يقدّرها أمي وأبويا التقوا والحر للحرة شاعر من الضفة برغوثي وإسمه مريد قالولها ده أجنبي، ما يجوزش بالمرة قالت لهم ياالعبيد اللي ملوكها عبيد من إمتى كانت رام الله من بلاد برة يا ناس يا أهل البلد شارياه وشاريني من يعترض ع المحبة لما ربّي يريد كان الجواب ان واحد سافر اسرائيل وانا أبويا قالوله يللا ع الترحيل دلوقت جه دوري لاجل بلادي تنفيني وتشيِّب أمي في عشرينها وعشريني يا أهل مصر قولولي بس كام مرة ها تعاقِبوها على حُبَّ الفلسطيني قالولي بتحب مصر فقلت مش عارف أحب اقعد على القهوة مع القاعدين وابص في وشوش بشر مش مخلوقين من طين واحد كإنه تحتمس، يشرب القرفة والتاني غلبان يلف اللقمة في الجرانين والتالتة من بلكونتها تنادي الواد والواد بيلعب وغالبهم ثلاثة اتنين أتوبيس كإنه كوساية محشي بني آدمين أقول بحكم القاموس، إن الهواء جماد واشم ريحة شياط بس اللي شايفه رماد عكازة الشيخ منين نابت عليها زناد يسند على الناس ويعرج من شمال ليمين والراديو جايب خبر م القدس أو بغداد قالولي بتحب مصر فقلت مش عارف قطر الندى قاعدة بتبيع فجل بالحزمة أميرة عازز عليها تشحت اللقمة عريانة ما سترها الا الضل والضلمة والشعر الابيض يزيد حرمة على حرمة والقلب قايد مداين زي فرشة نور والفرشة واكلاها عتة والمداين بور اللي يشوفها يقول صادقة حكاوي الجن واللي يشوفها يقول كل الحقايق زور عزيزة القوم عزيزة تشتغل في بيوت عشر سنين عمرها لكن حلال ع الموت صبية تمشي تقع ويقولو حكم السن وسِتّها شعرها أصفر وكلّه بُكَل كإنها مربية فيه اربعين كتكوت ووشها زي وش الحاكم العربي كإن خالقها راسمها على نبوت تحكم وقطر الندى تسمع لها وتئن أصل البعيدة وليّة أمرها، عجبي على الهوا بحجة الكسوة يقيموا له سور أحكي يا قطر الندى والا ما لوش لازمة حكاية ابن الأصول تفضل معاه لازمة فيه ناس بتلدغ وناس ليها البكا لازمة ياللي سطلت الخليفة بجوز عينين وشعور كنت سما للأغاني والأغاني طيور مين اللي باعك، عدوك، بعض أولادك مين اللي كانوا عبيدك صاروا أسيادك مين اللي سمى السلاسل في إديك دِبَل مين اللي خط الكتاب مين كانوا أشهادك وازّاي متى سألوكي "هل قبلتِ به" سكتِّ ومشيتِ يا مولاتي في الزفة لبنان وغزة وعراق فينا العدو تشفى حطوا جثثنا يا حاجة تحت سجادك ووقفت تستنى خيط الدم يبقى بحور قالولي بتحب مصر فقلت مش عارف لا جيتها سايح ولاني أعمي مش شايف ومهر مربوط في كارو وباله في البساتين وابو زيد سلامة على كرسي وكيس جلوكوز يا مصر بعض التسامح يبقى عار وبأجر إفتكري "لا تحسبّن" مكتوبة فوق كام قبر والتار يبات يصحى تاني لو يشيب الدهر والتار حصان غير لصاحبه ما يلين ضهر والتار تار العرب وعشان كده تار مصر قالولي بتحب مصر فقلت مش عارف لا جيتها سايح ولاني أعمى مش شايف ولاني هايف اردّ بخفّة وبسرعة وكل من رد يا كذاب يا هايف يا أهل مصر اسمعوني واسمعو الباقيين إن كنت انا رحّلوني كلنا راحلين يا أهل مصر يا أصحابي يا نور العين يا شنطة المدرسة يا دفتر العناوين يا ضغطة البنت بلكراسة ع النهدين ترقص قصاد المراية، واحنا مش شايفين يا صحن سلطان حسن يا صحن كحك وتين يا ألف مدنا وجرس، لألف ملّة ودين يا أهل مصر اسمعوني، والكلام أمانات قلتولي بتحب مصر فقلت مش عارف روحوا اسألوا مصر هيّه عندها الإجابات |
جميل جدا جدا ياعماد
واجمل يابسمة |
بجد انتو الاتنين اروع من بعض
جزاكم الله خيرا على الشعر الرائع ده |
الشعر أبهى فى حضرة الجمال
الشاعرة العزيزة بسمة
هو الشعر إذا يثير المشاعر هو الشعر نبض القلوب دمت شاعرة مجيدة |
العزيزة سحر
مرورك تكريم للقصيدة كونى دائما فى الجوار |
أستاذنا البهى أحمد مختار
لك سيدى الحب والتقدير أنت إنسان نبيل أتابعك جيدا أتمنى أن نتواصل دائما |
| الساعة الآن 07:25 AM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المشاركات والمواضيع بالمنتدى تعبر عن وجهة نظر كاتبها ولا تعبر بالضرورة عن وجهه نظر الموقع
الموقع برعاية الشركة المصرية لتطبيقات الانترنت