35 فكرة ومشروع وحملة ضد انفلونزا الخنازير ساعدوني في نشرها

[samir_mohtram2008]

السلام عليكم ورحمة الله وبركاتة
الحمد لله رب العالمين والصلاة والسلام علي رسول الله محمد صلي الله علية وسلم
اتمني ان اقابل وزير الصحة ووزير التربية والتعليم
لاكن اظاهر ان حياتي هتفضل احلام في الهواااااااا
الخطة الموضوعة لمكافحة خطر ومرض انفلونزا الخنازير وتجنب خطر تحولة الي وباء وطرق الوقاية منة
الموضوع خطر وممكن يتحول لوباء ويصيب 20%من سكان مصر
1-حملة لكليات الصيدلة والعلوم وللدكاترة والمعيدين وللطلاب والمعامل بعمل ابحاث علمية فورا للوصول الي مصل او لقاح ضد انفلونزا الخنازير
لانة يوجد 10 مليون مصل واحنا عددنا 80 مليون
لية نعتمد علي الاجانب ونستني 6 شهور اين العلماء والباحثين المصريين واين كليات الصيدلة والابحاث العلمية
المطلوب :
1- عمل لقاح كتطعيم ضد انفلونزا الخنازير لكل المصريين والطلاب والحجاج
2- عمل دواء لعلاج انفلونزا الخنازير اذا اصابت الانسان
3- حقنة تطعيم لكل طفل قبل دخول المدارس

2- مشروع شركات قطاع خاص للنظافة وعمال مصريين لان المنازل في عدد منها لا ياتي لها عامل النظافة
يبقي ان شاء الله هيشتغل عمال مصريين من اجل الحفاظ علي نظافة شوارعنا ولتجنب مخاطر الاصابة بانفلونزا الخنازير وخصوصا في القري والارياف لو مثلا 3ج من كل مواطن في الشهر
المشروع دة فوايدة
اكسب فلوس شغل شباب حل مشكلة البطالة تجنب خطر انفلونزا الخنازير
3- عاوزين نصائح من الحكومة ووزارة الصحة باسامي ادوية ياخذها الاطفال والشباب لتقوية جهاز المناعة
4- دور وزارة الإعلام
اطالب بعمل حملة موسعة ودة دورنا كشباب بنشر هذة الحملة علي المنتديات والفيس بوك
واطالب بصدور قرار فوري بمنع تدخين الشيشة علي المقاهي وعمل اعلانات بالتلفاز
متشربش الشيشة لحسن هيجيلك انفلونزا الخنازير لان شربك للشيشة وانتقالها من فم الي فم يعرضك لاصابة وانتقال فيرس انفلونزا الخنازير اليك
واطالب بصدور قرار فوري اي قهوة هيتشرب عليها شيشة هتغلق فورا
5-اطالب ايضا كليات الصيدلة والبحث في مصر امكانية تصنيع واء التامفلو تركيبتة ومحاولة صنعها وعملها في مصر
لماذا ننتظر المصل من الخارج اذن لماذا كلياتنا ولماذا يتعلم الشباب هل لتخريج شباب يقف فقط في الصيدليات لبيع الدواء
6-مشروع سيارة اسعاف طوارئ بكل محافظة علشان تكشف وتفوت علي كذا مدرسة كل يوم للكشف المبكر عن بداية ظهور اي حالات
7- توعية كل اب وكل ام لو لقيت اي كحة او عطس او انفلونزا عادية او برد او زكام او رشح ان يمنع ابنة او بنتة من الذهاب للمدرسة
وعلي كل مدرس او مدرسة بالفصل التبليغ فورا الادارة الطبية وعزل التلميذ فورا عن باقي زملاءة
8- مشروع شركة جلساء الاطفال ناس كتير هيخافوا علي اولادهم وبالذات في الحضانة من انهم يودوهم المدارس وعاوزين يسبوهم في البيت طيب الاب بيشتغل والام بتشتغل يبقي الحل في لو خايف علي اولاك من الزحمة والمواصلات ومن انفلونزا الخنازير
الحل في جلساء الاطفال وياخدوا دورات معاملة اطفال والحل في اعملوا اعلانات في الجرايد مستعد للعمل كجليس لاطفال
ويتكتب مطلوب للعمل جليسة اطفال مؤهل عالي
دة بالذات لاطفال الحضانة والفلوس الي هياخدها جليس او جليسة الاطفال هتوفر بيها مصاريف الحضانة وتمن مصاريف الباص
لان اكثر ناس معرضين لخطر الاصابة بمرض انفلونزا الخنازير هم الاطفال اقل من خمس سنوات

9- اطالب بتعيين طبيب لكل 5 حضانات علشان يتابع باستمرار وكشف دوري علي جميع الحالات وطبيب لكل 5 مدارس للمرور باستمرار
10- اطالب بصدور قرار فوري القيام بتطعيم وتحصين جميع الطلبة وان امكن جميع المصريين ضد انفلونزا العادية فالخوف والخطر من تحول الانفلونزا العادية الي انفلونزا خنازير
وعلية يجب الوقاية وتجنب حدوث حالات انفلونزا عادية من اساسة
11- عمل شركات مصرية فورا وخط انتاج سريع للكمامات وتوافرها بجميع الصيدليات والمحلات العادية وعمل منها اوان علشان الاطفال ازرق واصفر واخضر واحمر وبدل من استيراد الكمامات من الصين
ونشرها فورا وعلي كل مواطن لبس الكمامة خصوصا في الاماكن المذدحمة مثل مدرجات الجامعة وفي المترو وفي المواصلات وفي الفصول
من الافضل لبس الكمامة حفاظا علي حياتنا وارواحنا
12- بحث امكانية نشر اجهزة كشف درجة الحرارة علي مداخل المتر والمدارس بحيث تشير الي شخص ارتفعت درجة حرارتة
13- توزيع المطهرات علي جميع المدارس مثل الفنيك والديتول والصابون
وعلي جميع عمال النظافة لبس الكمامات
14- توعية المواطنين بان يكون لكل مواطن فوطة خاصة بة اب الام الاولاد الاخوات
15- مشروع تلخيص المناهج وان يكون كل ترم شهرين بدل 3 شهور وان تنتهي دراسة الترم الاول في نهاية نوفمبر حيث ان خطر الازمة ومجمل حدوثة في ديسمبر ويناير
16- اطلب من جميع خبراء الاعشاب والعطارة والطب البديل بالبحث في ايجاد اعشاب للوقاية من المرض واعشاب لعلاج المرض
وان ينصحونا خبراء التغذية بالمأكولات والمشروبات التي تجنبنا حدوث البرد او الانفلونزا العادية
مثال سمعت ان كوب ينسون صباحا يزيد من قلوية القلب ويحافظ عليك من التعرض لاصابة بالانفلونزا
اكيد في اكلات زي البرتقال واليوسفي والعصائر
نريد ايضا اي نصائح في طعام او شراب او اعشاب لتقوية الجهاز المناعي في الجسم لدي الانسان
17- قرار من وزير الاعلام اضافة قنوات تعليمية الي القنوات الارضية وتخصص كل قناة في مرحلة ابتدائي واعدادي وثانوي لنشر شرح المناهج الدراسية بالتلفاز
18- قرار فوري بتسجيل شرح المناهج علي اسطوانات كمبيوتر لجميع المواد ويدرسها كل طالب في البيت
19- الغاء اخذ الغياب الي عاوز يدرس منازل يدرس اي دراستة بالمنزل محدش يتفصل بسبب الغياب يعني عدم الاجبار علي الحضور
20- قرار بعدم البدء دراسة في اي مدرسة تعاني من انقطاع المياة
والقيام فورا بتوفير خزانات مياة فوق السطوح اي مدرسة للشرب والصرف الصحي ولكي يغسل الاولاد ايديهم
21- قرار توفير عمال نظافة فورا لاي مدرسة قب بدء الدراسة
لان بيئة وانتشار الفيروس ينتشر في البيئة الغير نظيفة
مع ملاحظة ان عامل وحدة لا يستطيع ان ينظف مدرسة خمس ادوار محتاجين اقل حاجة عاملين علي الاقل بكل مدرسة
22- فكرة الغاء حصص الانشطة والالعاب والرسم واي مواد غير الاساسية يحيث يكون يوم دراسي قصير
وعدم تجمع الاولاد لفترة طويلة
23- حث الصيادلة علي اختراع معطر للجو في السيارات والفصول والمنازل والمدارس يكون بة قاتل للفيروسات والميكروبات في الجو ويمنع انتقالها عبر الهواء
24- اطالب بان ياخذ الطلبة والحجاج والمصريين لقاح ضد الانفلونزا العادية قبل الموسم الشتوي لان اللقاح لا يعمل الا بعد مرور 10 ايام حسب رد فعل جهاز المناعة عند كل انسان وقد يصل الي 15 يوم
اذن لابد التوعية للجميع علي اخذ اللقاح ضد الانفلونزا العادية قبل الموسم الشتوي وليس اثناء الموسم الشتوي
25- حملات التوعية نرجو نشها في التلفاز وفي الفيس بوك وفي جميع المنتديات
1- عدم البصق علي الارض في الشارع
2- عدم القبلات بين الاشخاص
3- تجنب حضور الحفلات والاماكن المزدحمة
26- توحيد الجهود العالمية عاوزين نشوف كل دول الخليج عملت اية لمواجهة المرض وكل الدول الاوربية والاجنبية مثلا الصين طعمت 100الف طالب عاوزين نشوف التطعيمات دي وامكانية تطعيم اولادنا واطفالنا بيها او عملوها ازاي
لان دلوقت بقي في لقاح صيني وفي لقاح كني
اين اللقاح العربي المصري؟
عاوزين نشوف التدابير الاحترازية واجراءات الامن في كل ولة لمنع تحول المرض الي وباء يفتك بالبشرية والعياذ بالله
عاوزين نشوف ك الدول العربية والخليجية والاوربية وصين واسيا وكلهم قرروا اية وافكارهم اية وهيعملوا اية
27- اقتراح مشروع علي كل الدول العربية في عمل مصنع لعمل خط انتاج للمصل او اللقاح ضد انفلونزا الخنازير
وبعد كدة يكون مصنع عربي لتصنيع الدواء وانتاجة ويكون علي مستوي عالمي حتي لا نحتاج لدول غربية او اوربية او صين لانتاج دوا او علاج احنا محتاجينة
نفسي ننتج الدوا مش بس تغليف وتعبئة
28- التركيز علي وضع صابون وتوافرة بكميات كبيرة علي احواض المدارس لغسل الايدي بعد الحمامات بالصابون باستمرار ووجود مطهرات يوزع مجانا علي المدارس
29-منع المرواح الجماعي في المدارس علي كل المدارس الخروج فصل فصل عند المرواح لتجنب الزحام وتكدس الطلبة علي السلالم يكون الخروج في ربع ساعة زي ما طلوع الفصول بعد طابور الصباح بيكون بنظام طلوع فصل فصل برضو يبقي الخروج فصل فصل
30- اقتراح كان زمان في سيارات بتلف في الشوارع ترش دخان قاتل للناموس والدبان نريد عودة هذة السيارات لرش الجو بمطهر او قاتل للفيروسات لتعقيم الهواء
31-تشجيع الدروس الخصوصية بان تكون علي مدار اليوم حتي 9 مساءا
وفكرة ان يكون كل مدرس معة 15 تلميذ يتقابلو في اي منزل لاحد الطلاب بدل تجمع الطلبة بالمدارس
32-اقتراح نرحل جزء من منهج ترم اول الي ترم تاني
بحيث تكون دراسة الترم الاول شهري 10 و 11 فقط ثم امتحانات
ثم توقف الدراسة وقت خطر انتشار الفيروس شهري 12 و1
ثم العودة للمدارس شهر 2ويدرس بالترم التاني الجزء المؤجل دراستة من الترم الاول
وهناك اقتراح بتقسيم السنة ل 3 ترم كل ترم يكون شهرين
1- 10 و11
2- 2 و 3
3- 4 و5
تخفيفا علي الطلبة بانهم يمتحنوا كل شهرين بدل تكدس المنهج
33-مشروع اطباء للمنازل
اي حد يشعر بالمرض مينزش من بيتة لكي يحمي نفسة من خطر المضاعفات ولكي يحمي الاخرين من العدوي
واحلم بان يكون هناك رقم موحد للدولة تتصل بية يأتي لك الطبيب للمنول وهذا لكي نتجنب خطر ان يعدي هذا الشخص المصاب اشخاص أخرين سلام بمجرد انة يسلم علي حد او بمجرد انتقالة بالمواصلات
لان اي عطسة او كحة تنقل الفيروس علطول عن طريق الرذاذ
34- عودة العزل والحجز الصحي لحجز المصابين بالمرض وتجنب نشرهم للفيروس
35- حملة توعية للمواطنين لتجنب البرد
1- متمشيش حافي في البيت
2- متستحماش وبعدين تخرج
3- متقلش وتخفف في اللبس
4- تجنب حضور الحفلات والافراح والبوس والاحضان لمنع انتقال وانتشار العدوي والفيرس

منتظر اراءكم وافكاركم واقترحاتكم
جزاكم الله كل خير
والسلام عليكم ورحمة الله وبركاتة

[على الشامى]

اهلا بيك
بصراحه انا فخور ان في ناس مثلك بتفكر في وسط الوباء المنتشر دة كل كلامك صح مليون في الميه
وباذن الله نقدر ننشرها

[هند محمد محمود]

جميل موضوعك اخى الفاضل/ سمير.. يا رب فعلا يحدث كل ما ذكرت.

[ندى من دمياط]

شكرااا لموضوعك المفيد جداااااا

[رونى الشاعر]

كلام رائع انت بجد انسان جميل وان شاء الله وتوكل عليه من قلبك والذى فوق الجميع وحاول على قد متقدر وربنا يفقك امين