سيارات المعاقين

[ابو عمر]

الاستاذ / عمرو الليثى المحترم
تحية طيبة وبعد ،،،
ارجو من الله ان ان تقرأ رسالتى وتكون صوتى الذى اعبر به
انا انسان متزوج واعول زوجة وطفل وزوجه اخى المتوفى و ولدان وبنت واعانى من شلل اطفال برجلى اليسرى وذهبت لطلب سيارة معاقين
اولا : هناك طلب مستعجل وطلب عادى (كله بتمنه ولو ممعكش امستعجل استنا بقا كذا شهر لما يجى عليك الدور - ما المعاقين كتير ههههههه هم يبكى وهم يضحك) المهم طلبت المستعجل ودا واول مشوار ولك ان تتخيل معاق بزحمة القاهرة يعنى اية

ثانيا : مشوار تانى عشان كشف النظر ورتين وصور وروح هات ودى ياناس احنا معوقين فين ال يسعدونا فى المكان دا مفيش اصرف ازحف روح صور ووووووووا (ربنا يعنا)


ثالثا : كشف العصب والعظم

منظر غير ادامى يطلع واحد بلبس محترم وهو فى الحقيقه غير محترم كلة يقلع ويستنا دوره عشان الدكاترة جوا مش فاضين (هنعمل اية كلنا قلعنا وقعدنا بنص لعاهتنا واحنا الدمعة محبوسا جوانا)

اصبر بقا ثلاث شهور او خمسة لما يجى الرد

(المهم المهم المهم


انا عندى الاعاقة برجلى اليسرى ومعاى رخصة كويتية من 9 سنين وبسوق السيارات الاتوماتيك بدون ادنى عناء انا لست رجل خارق فانت تعلم السيارة الاتوماتيك تحتاج فقط الرجل اليمنى وانا رجلى اليمين سليمة وجميع اطرافى الاخرى --- جاء التقرير انى اقود فقط سيارة مجهزة بأذرع واجهزة

ربنا عرفوه بالعقل يعنى انا بقود سيارة اتوماتيك بدون مشاكل لو التقرير يشكك فى كدا انا مش عاوزها
بس هما معاندين وبس
بالذمة يرضيك كدا

- وبعدين الجمارك : يعنى جاءت علينا احنا قولهم حرام عليكو

- وضريبة المبيعات : بالذمة الناس دى عندها دم يا استاذ عمرو

- والمركزية فى الكشف : طب لية ميكونش فى كل محافظة مكان نكشف فيه بدل كلنا من المحافظات نروح بإعاقتنا ويبقى ليلة اهلك سودا لو نسيت ورقة ترجع تجبها ويكون معادك فات ولف المشوار من أول وجديد

- بعد كل دا حصلى ظروف والفلوس ال كانت معايا وجهت لسد تلك الظروف وبعدين لمار ربنا رزقنى ولميت قرشين روحت قولى الورق مدته خلصت اكشف والعب من أول وجديد والله ما انا مكلم ولا شاتم قول انت ال يرضى ضميرك

-- اخر ما ذهقت قولتهم فى المرور انا مش عاوز السيارة دى اكشفو عليا هنا فى الفحص الطبى وطلعو لى رخصة وانا هجيب سيارة عادية بمعرفتى ردو عليا روح الغى القرار المجلس الاعلى لشئون المعاقين ال بيقضى انك تسوق سيارة بذراع ناقل حركة طب الغية اذاى اذا كان انتو قولتولى انه اتلغى لانه له مدة محددة (سبحان الله)
ثم روح هات العربية واحنا نكتبلك رقم الشاسية والعربية لانك متسوقش غيرها --

بالذمة يرضيك كدا - اكشف عليا الاول وشوف هل انا اقدر اسوق جميع السيارت الاتوماتيك ولا لاء واكتب لى كدا فى الرخصة
--- ولو مقدرش اكتب لا يجوز الا ان يسوق هذة السيارة.

رويتن وقوانين جامدة تطبق بدون عقل .


ارجو ردك ضرورى وبجد نفسى اكلمك نفسى اصرخ نفسى حد يسمع صوتى

ارجو رقم تليفونك ولو برسالة على الايميل او التليفون

اخوك الصغير ابوعمر


ملاحظة على فكرة انا كافحت لغاية ما وصلت انى اعمل رئيس حسابات
فانا خريج كلية تجارة - جامعة الازهر الشريف


اخوك ابو عمر


تليفون : 00965 94064784 دا تليفونى بالكويت

تليفون مصر : 0509727540

الايميل : [email protected]

[دكتور جيفارا]

لاخوه والاخوات الافاضل
لماذا لا يكون هناك قانون يسمح للاسرة التي بها شخص معاق ان تحصل علي سيارة عادية غير مجهزه اذا كانت الاعاقه تمنعه من القياده ويكون من حقه ان يتمكن سائق خاص من قيادتها او فرد من افراد الاسرة قيادتها له فلماذا يتم عدم مساواة المعاق بصريا او سمعيا ولا يستطيع ان يقود سيارة بغيرهم من المعاقين حركيا الذين يحصلون علي سيارات بدون جمارك وايضا المعاق اعاقه حركيه كامله او قويه ولا يستطيع قيادة سيارة مجهزه اليس من باب اولي ان يكون لديه سياره تعينه علي التغلب علي مشاكل المواصلات
ولا يترك الموضوع بدون تقنين فهذه السيارات لا تباع الا بعد عدد سنوات معين او لا تتداول الا بين ممن لديهم افراد معاقين ويمكن تقنين عدم السماح للاسرة بالاستفاده من هذه الميزه الا من خلال الترخيص بسيارة واحده فقط
احبائي الافاضل اعتقد ان طرح هذا الموضوع في غاية الاهمية فليس كل المعاقين لديهم القدرة علي قيادة سيارات مجهزه وهؤلاء هم اولي بحصولهم علي سيارات وان كانوا لن يقودوها بأنفسهم
احبائي الافاضل ارجو من الجميع ان كان الموضوع لديه صدي عندكم ان تبادروا بالتعليق عليه وممكن نجمع توقيعات عليه في هذا الموضوع ويمكن الموضوع يوصل للمسئولين ويجد صدي
الاخوه الافاضل ارجوكم تبني هذا الموضوع لانكم بارادتكم ممكن تجعلوه قابل للتنفيذ
والله ولي التوفيق