إضافة رد
 
أدوات الموضوع انواع عرض الموضوع
  #1  
قديم 10-31-2009, 10:40 PM
اميره علي اميره علي غير متواجد حالياً
عضو VIP
 

افتراضي أهم اخبار العدد ليوم 29اكتوبر 2009م - 10 ذو القعدة 1430 هـ250

المفتي لأعضاء الكونجرس: القرآن فيه أكثر من 6 آلاف آية 300 منها للتشريع فقط


..

بقلم : أسماء عبد الله
«من لا يرحم لا يرحم» تلك أولي الكلمات التي نطقها مفتي الجمهورية د. علي جمعة أمام اجتماعه مع أعضاء الكونجرس الأمريكي حيث علم الكونجرس أن مفتي جمهورية مصر العربية يشارك في مؤتمر الثقافة الإسلامي المسيحي بجامعة جورج تاون بواشنطن فطلبوا منه أن يجتمع معهم ليجيب عن بعض التساؤلات المتعلقة بالدين الإسلامي والمسلمين.
وقد كانت أسئلتهم عن أمور مختلفة وقد أثار حديث المفتي انتباههم طوال حديثه وكانت إجابته دون مقاطعة أي منهم؟
انفردت الخميس بنشر ما حدث والأسئلة التي دارت بالاجتماع
تم الترحيب به ترحيبا بالغا وسألوه عن ماذا يدعو الإسلام؟
فأجابهم أنه دين السلام والرحمة وأن أول حديث نبوي يتعلمه أي طالب «من لا يرحم لا يرحم» و«ارحموا من في الأرض يرحمكم من في السماء»
وعن سؤاله ماذا يحتوي القرآن أجاب أن القرآن به ما يزيد علي 6000 آية تتعلق 300 منها فقط بالتشريع والباقي متصل بإنشاء شخصية ذات خلق حسن وبالمثل هناك ما يربو علي 60000 ألف حديث تتصل 2000 منها بالأمور التشريعية والباقي يتناول الشخصية الخلوقة والرسول عند المسلمين موصوف بأنه رحمة أرسلت للعاملين.
اتهم علي جمعة بعض المغرضين الذين يعتبرون أن القرآن يدعو لحمل السلاح وهناك آيات محدودة في القرآن تبيح للمسلمين الدفاع عن أنفسهم إذا اعتدي عليهم أحد وأن هذا أمر موجود في كل الشرائع والقوانين المدنية.
وقد أشار في ختام حديثه أننا وجدنا مؤخرا موافقة اتفاقيات جنيف عليه قال تعالي «وقاتلوا في سبيل الله الذين يقاتلونكم ولا تعتدوا إن الله لا يحب المعتدين فإن انتهوا فإن الله غفور رحيم.
وهذه الجملة تكررت كثيرا في سورة البقرة وتشكل أساسا للقانون الإسلامي الخاص بالحرب والتي شرعت فقط لرد العدوان والدفاع عن النفس والأهل والوطن
أما عن كلمة الجهاد في الإسلام وتشير إلي كبح الإنسان جماح نفسه وهو معني روحي في الأساس يشيرا إلي تزكية القلب الذي وصفه النبي بأنه الجهاد الأكبر.
وقد ختم أسئلته واجتماعه بدعوة الكونجرس الأمريكي لإنشاء مرجعية للمسلمين علي غرار الأزهر لتسهيل مشاركة المسلمين في الحياة العامة ودعم الجهود الحالية والمستمرة في الجالية الإسلامية لتحقيق هذه الغاية.. وقد واجهت الفكرة تزكية من جانبهم وختم اجتماعه وهو صاحب فضل تغيير وجهة نظر الغرب نحو الإسلام.






أهالي الرحمانية يتهمون الشرطة وأمن الدولة بقتل مواطن لإرهابهم وطردهم من أراضيهم بالاسكندرية

..






نيابة المنتزه تأمر بتشريح الجثة.. «ومصريون ضد التعذيب»تتوعد بملاحقة «بلطجية الشرطة»

قررت نيابة المنتزه ثان بالاسكندرية تشريح جثة قتيل عزبة الرحمانية واستعجال تقرير الطب الشرعي وتحريات المباحث
وواصلت النيابة تحقيقاتها عقب عثور اهالي العزبة علي جثة القتيل حسن شندي وسط الزراعات مقيد اليدين والقدمين وملقي علي وجهه يرتدي جلبابا كتب عليه من الخلف عبارة «الدورعلي سلامة كريم رميا بالرصاص يازعماء الفلاحين»
وقال عدد من الأهالي في التحقيقات ان الجناة صدقوا.. معني ذلك تخويف الاهالي وارهابهم لطردهم من الارض التابعة لهيئة الأوقاف والتي يعيشون عليها بوضع اليد منذ عشرات السنين في حين باعتها هيئة الاوقاف لجمعيات ضباط الشرطة وأمن الدولة
واضاف الأهالي أن هذا لم يكن حادث القتل الأول علي خلفية السعي لطردهم من اراضيهم مشيرين إلي مقتل محامي الأهالي حامد ابراهيم الجويلي منذ عام وألقي في الطريق الصحراوي عقب التعدي عليه بالضرب وحقنه بهرمونات تسببت له في احداث خلل في قواه العقلية
يأتي هذا في الوقت الذي تقدم فيه مصطفي محمد نائب دائرة المنتزة بسؤال عاجل إلي وزيري الداخلية والعدل عن الغموض الذي يحيط بمقتل المواطن حسن شندي وماهية الغموض الذي يشوبه ويحيط بالواقعة مطالبا اجهزة التحقيق بتوسيع دائرة الاشتباه وبقاء الحال علي ما هي عليه حتي نهاية النزاع القضائي القائم بين الاهالي وهيئة الاوقاف
واكد اقارب المجني عليه في التحقيقات ان حسن شندي تلق الكثير ي من المكالمات الهاتفية تضمنت تهديدات بالتقل من الجمعيات التي تريد الاستيلاء علي الارض والبالغ مساحتها 317 فدانل في حين رفضت عائلة القتيل تقبل العزاء في فقيدها حتي القبض علي الجاني ومعاقبته
جدير بالذكر ان النزاع القضائي القائم بين الاهالي وواضعي اليد علي الأرض وبين هيئة الأوقاف والجمعيات الشرطة التي تشمل جمعية الأمل لضباط الشرطة بالاسكندرية أو جمعية مستشاري محكمة النقض ومستشاري وزارة العدل كضباط شرطة كفر الشيخ، ضباط امن الدولة
من جانبها اعلنت حركة «مصريون ضد التعذيب» عن تبني القضية ومتابعة سير التحقيقات حتي يتم الوصول للجاني الحقيقي وعقابته حتي يكون عبرة لأمثاله ممن وصفوهم ببلطجية الشرطة.
الاسكندرية - محمدالبسوني



..


بن عبدالحكيم عامر من زوجته الأولي يتحدث عن علاقة والده ببرلنتي عبدالحميد

في حديث مهم وشامل لعمرو الليثي :

ابن عبدالحكيم عامر من زوجته الأولي يتحدث عن علاقة والده ببرلنتي عبدالحميد

تحدث الجميع عن العلاقة التي ربطت بين المشير عبدالحكيم عامر والرئيس جمال عبدالناصر ولكن ثمة شاهدا مهما في هذه القضية أدلي بشهادته لأول مرة للإعلامي عمرو الليثي في برنامج اختراق .. إنه جمال عبدالحكيم عامر يتحدث عن المشير والرئيس .
والدي هو الذي اقترح اسم محمد نجيب وقال لعبدالناصر «لقيت لك هدية»

عبدالناصر لم يخبر المشير بخطته حول تأميم قناة السويسلا يمكن المحافظة علي المشير تعرف علي برلنتي في الاتحاد الاشتراكي وليس
في فيللا المريوطيةالوحدة مع سوريا بالقوة العسكرية

> أعلم انك شاهد عيان عندما توفي والدك المشير عامر كان عمرك 17 سنة كلمني عن علاقة الرئيس عبدالناصر بالمشيرعامر كيف بدأت مرورا بأهم اللحظات الفارقة في تلك العلاقة؟.
>> الفترة دي طبعا هو كان في الأربعينيات وكان عند حرب فلسطين واتقابلوا في الاسكندرية في معسكر للجيش ،الرئيس عبدالناصر جاء ليستلم الوحدة واتعرفوا ببعض وكونوا نوع من الصداقة أو علاقة مبدئية لأن الكومستبل بتاع الوحدة كان دايما في خلاف ما بينهم هم الاثنان فحصل نوع من التلاقي بينهم وبعدين اتقابلوا في فلسطين.
> في 48 في الفالوجة؟
>> أيوه طبعا هم كانوا في مكانين مختلفين يعني وكان والدي اركان حرب اللواء محمد نجيب وكان هو اللي بيخطط للمعارك وهو اللي بينفذها فاللي حصل أنهم عملوا هجوم ونجحوا وهو اصيب في الاشتباكات دي، لكن هو كان حريص يكمل الحرب وفي نفس الوقت الملك فاروق أعطاه وسام فؤاد الأول حاجة زي كده نظرا لشجاعته .
> هل كان دور المشير عامرفي الثورة غير المعروف للكثيرين هو السبب اللي جعل عبدالناصر يتمسك بالمشير ومنحه قيادة الجيش يعني بحكم علاقته الشخصية به؟
>> لا المشير علي عكس الكلام اللي بيقولوه وأنا مش عشان ابنه باقول في حاجات كتيرة مكتوبة ممكن نرجعلها لكن اللي أنا اقدر اقوله اخذ موقعه بحكم دوره في الثورة دوره كان كبيرجدا وعرض حياته للخطر وكان دور فعال مكنش مجرد ان هو بيكتب بيان مكنش مجرد أن هو يتصل بواحد يعني مثلا واحد زي محمد فوزي كان في انتخابات نادي الضباط وسقط في الانتخابات محدش انتخبه بعد كده قالوا له تعالي اشترك حتي حصل من الاحاديث اللي سمعتها قاله أنت كمان هتدخل معانا هو مخدهاش ضغينة ضده ولكنه عرف انه راجل لا يعتمد عليه.
> قلت لي جملة غريبة ان المشير عامر قال لعبدالناصر انا جبت لك هدية هو محمدنجيب كانوا عايزين ايه؟ كانوا عايزين حد كده ببساطة يتحمل الانقلاب في حالة فشله؟ ولا كانوا عايزين وجهة للثورة فيها شعر ابيض علي أعتبار ان الشعب المصري بيحب الخبرة ويحترم السن الكبيرة؟
>> يعني ده عنصر اساسي الناس بتحترم السن الكبيرة وقتها كانت الاعمار الكبيرة هي السائدة في ذلك الوقت بحكم الخبرة لكن أبويا كان بيحب فعلا محمد نجيب وكان يقدره ومن انتخابات نادي الضباط بالاجماع ، وكان له مواقف وطنية ده اللي هو استدعي انه يرشحه وفي نفس الوقت هم كانوا ضباط صغيرين صعب أنهم يظهروا وكان محمد نجيب وجهة مشرفة لهم وحصل بعد كده صراع علي السلطة وده اللي تسبب في أنهم اعتقلوا نجيب بعد كده.
> الرئيس عبدالناصر قام بترقية عبدالحكيم عامر 4 رتب عشان يوصل لدرجة اللواء.. محمد نجيب اعترض وقاله إن عبدالحكيم عامرماينفعش انه يكون قائدللجيش ليه رغم اننا عارفين العلاقة الطيبة بين المشير عامر ومحمد نجيب؟
>> برضه أناماأقدرش أؤكد الرواية دي عشان انا ماسمعتهاش ولا أعتقد أن محمد نجيب ممكن يأخذ الموقف ده ضد عبدالحكيم.
> أنت شايف ان محمد نجيب وافق علي تعيين عبدالحكيم ؟
>> حتي أنا لم احضر هذه الواقعة عشان اعلق عليها بس لم اسمعها بهذا الشكل ولم يتداول بهذه الطريقة.
> ولكن ألا تري أن الخبرة العسكرية مطلوبة يعني أن يكون قائد الجيش لديه خبرة عسكرية وأن فكرة ترقية من ضابط إلي بكباشي إلي اللواء تعد ترقية استثنائية لا توازيها ترقية فنية؟
>> اه طبعا هي ترقية بـ «4 » رتب يعني الترقية نفسها قفز كذا دفعة تقدر تقول ان المشير كان راجل عسكري مارس القتال بنفسه وكان أول دفعته في كلية أركان حرب وكان متفوق يعني لما يكتب الرئيس السادات في كتابه ان عبدالحكيم عامر عمل في الثورة خطة ماهرة وذكية اذن هو متميز يعني الخبرة مطلوبة والنهارده كلية أركان حرب هي أعلي درجة موجودة في الجيش وبعدها الترقية للقيادة العليا ومفيش دراسة بعد كلية أركان حرب ازاي تتهم الناس وتقول إن والدي لم تكن لديه مؤهلات؟ دا كلية أركان حرب دي أعلي دراسة موجودة واللي بيخططوا في القيادة وفي الأركان والقيادة العليا كلهم أركان حرب غير اللي هو عمله في فهم للأمور دي في بناء القوات المسلحة يعني جيش مكنش فيه جيش كانوا بيسموه جيش المحمل النهارده اسلحة جديدة المظلات المصانع الحربية اللي اتعملت وجزء منه خربوه كنت تفتكر سنة 1954 الطيارة 300 النفاثة طارت في العرض الجوي كنا كلنا قاعدين شايفنها وكانت كلها مصنعة بالكامل في مصر واحنا لغاية النهارده مش عارفين نعمل محرك.. وانت عايز تقول انه كان له دور مميز في القوات المسلحة؟!
> كلمني عن العلاقة العائلية ده كان رئيس الجمهورية وده كان قائد القوات المسلحة يعني أنت اسمك جمال اظن علي اسم الرئيس عبدالناصر؟
>> تمام علي المستوي العائلي احنا كنا مختلطين بصفة مستمرة وكان حتي في الصيف بعدالثورة مكنش لهم بيت فكان الرئيس بيأجروا له بيت في ناحية جليم في منطقة معينة يصيف فيها واحنا كنا بنصيف برضه بهذا الشكل وبنتقابل برضه في فترة.
طبعا لما جم في المعمورة وبنوا بيتين في المعمورة زي بعض بالضبط حتي اللون والشكل فكان فيه اتصال بيننا وبينهم وكانوا في الاجازات يجلسون مع بعض واحنا الأسرة معاهم وبينزلوا البحر ونصيف حتي هم لما يسافروا في شغل احنا كنا بنبقي مع بعض حكيم كان صغير وكنا اصحاب والصيف كان طويل زمان كان 3 شهور كنا بنقعد مع بعض كانت علاقة كويسة.
> جاءت اللحظة الفاصلة الأولي وهي حرب 56 وخرجت مصر منتصرة سياسيا مهزومة عسكريا ثم نقلت المسئولية في رقبة المشيرعامر؟
>> هو طبعا العدوان الثلاثي ده زي ما بيسموه لما امموا قناة السويس قرار التأميم نفسه المشير معرفهوش غير لما اعلن.
> عبدالناصر لم يقل للمشير انه سيأمم قناة السويس؟
>> القوات المسلحة مكنش عندها أي خبر ان هناك حربا واتعرف قبلها علي طول.
> سؤال صغير.. كان عبد الحكيم عامر يعرف ولا مايعرفش؟
>> في النهاية ده رئيس الجمهورية والعلاقة قوية طبعا بس فيه رئيس جمهورية و فيه نائب وكان وقتها القائد العام ليس نائب رئيس جمهورية ورئيس الجمهورية هو القائد الأعلي للقوات المسلحة.
> بس علي الاقل بيكلم قائد الجيش ويقوله هنأمم القناة احتمال يكون فيه حرب فأكيد كان السؤال البديهي هل احنا مستعدين؟
>> عايز تقوللي ان عبدالحكيم عامر كان عايز يحارب 3 دول بجيوشها بالأمبراطورية التي لا تغرب عنها الشمس بجيوشها ولها قاعدة موجودة في القنال بعد الجلاء وكانوا لسه طالعين الحرب العالمية الثانية وجيوشهم موجودة هنا وهنا الفرنسيون نفس الحكاية فطبعا النهارده انت هتأخذ قرار تأميم قناة السويس والقرار ده قوبل باستياء شديد جدا من الدول الغربية وتعمل تقدير موقف في ساعتها ان بريطانيا مش هتعمل هجوم دلوقتي وفرنسا محتلة الجزائر فكان الهجوم المتوقع من اليهود ومن اسرائيل.
> من إسرائيل علي سيناء؟
>>المخابرات كان تقريرها مختلف فيه عمليات ممكن تدخل فيها انجلترا وفرنسا كان تقديرهم مختلف طبعا العملية جاءت بسرعة كبيرة بعدين الجيش النهارده انت بتتكلم في 56.
> بس احنا بدأنا من 54 ندرب جيشنا؟
>> حتي لو دربت قواتك علي الاسلحة في 3 سنين فترة صغيرة جدا واسلحة محدودة.
> طب وافق ليه علي هذا القرار وهويعلم تبعيات هذا القرار ؟
>> مقدرش ارد.
> لم يكن لك علاقة بالموضوع؟
>> لا كنت في سن لا تسمح وهو برضه من النوع الذي لا يحب أن يشغل أولاده في تلك الأمور والأمور دي نعرفها من عمي حسن وعمي مصطفي وهم قاعدين بيتكلموا لكن بصورة مباشرة مكنش بيكلمنا ده برضه امور تخص القوات المسلحة.
> بس البعض حمل عبد الحكيم عامر مسئولية الهزيمة العسكرية في 1956؟!
>> انا عايز اقول لسيادتك حاجة في 56 تسليح الجيش كان عبارة عن دبابات كهنة وهما قالوا لو نقلناها لغاية انجلترا مش هتجيب فلوس فازاي انت النهارده عاوز تصد اليهود ازاي تصد الحلفاء اللي داخلين عليك؟ فطبعا ان هو ينشر فيه نصر عسكري لمواجهة هذه القوات كلها شيء منافي للعقل.
> أنا بتكلم أنه هيبدأ مسلسل تحميل المشير المسئولية في56 البعض حملوه المسئولية العسكرية واعطوا لعبد الناصر زهوة النصر السياسي؟ هل فكر يشيله؟
>> ماحصلش لو هو كان الوضع كده كان في الستينات قوته مكنش حد يقدر يشيله في الفترة دي لأ مكنش بالصورة دي طبعا ولم يكن السبب بس انااعتقدكل شوية بيدق مسمار في النعش عشان نوصل للنتيجة اللي هما عايزينها.
> طيب في فبراير 58 الرئيس عبدالناصر يعلن عن قيام الوحدة ويعتبر المشيرعامر رئيس الجانب الشمالي في سوريا واعطاه صلاحيات رئيس الجمهورية وراح المشير وحدث ما حدث وانتهت القصة بازمة «الأنفصال» وكان قد اعترض بعض القوات السورية علي المشير عامر ويخرجوا بشكل غير لائق من سوريا ومش عايز ادخل في تفاصيل انتم تعلمونها اكثر مني ويتحمل مسئولية عامر فشل الوحدة بين مصروسوريا لان مكتبه كان مخترق وكان مديرمكتبه يعمل لصالح المخابرات الإسرائيلية كلمني عن هذه الفترة؟
>> طبعا أول نقطة هو ممسكش الاقليم الشمالي في الأول ده حصل في النهاية ليس في بداية الوحدة لما الرئيس راح أول مرة وشالوه بالعربية وطبعا كان بالنسبة له استقبال غير طبيعي الاستقبال الثاني كان سييء جدا من السوريين وهذه الزيارة اللي عين فيها والدي في الاقليم الشمالي لأنه كان حزين جدا وطبعا كان هو طبق قوانين الاشتراكية في سوريا والاصلاح الزراعي وتأميم البنوك كل ده السوريين مكنوش راضيين عنه في الوقت نفسه لما جم الضباط اللي طلبوا الوحدة جم للرئيس هم اللي كانوا مستعجلين عشان يعملوا الوحدة وهم اللي ضغطوا عليه فعلا فهو تحت ضغطهم وافق.. كان هو عايز يأخذ موقف وكان مفاجأة بالنسبة للكل فأضطر في النهاية أن يعمل هذه الوحدة علي عجالة اللي حصل بعد كده أن الضباط اللي جم مصر حسوا أنهم أصحاب فضل وحصله نوع من التمييز.
> فشلت الوحدة وعاد المشير عبد الحكيم عامر حزينا مكتئبا بعد الاعتداء عليه؟
>>لأ معلش.. محصلش أن حد تعدي عليه ولا حاجه من دي.
> طب وضح لي الجزئية دي .. لأن بعض الروايات قالت إنه خرج بالملابس الداخلية؟!
>> بصراحة دي شهادة المشير كلف اللواء قاسم علوان قائد محافظ القيادة استدعاه.. وقعد معاه وقلهم انتوا عايزين إيه قالوا احنا عايزين اصلاحات في القوات المسلحة احنا مصلحتنا ننفصل من الجمهورية المتحدة فقاله قبل ما نتكلم ابعدوا القوات بتاعتكوا عن مبني القيادة فابتعدوا مسافة طبعا صغيرة بالدبابات بتاعتهم بعدوا الدبابات عن قيادة الأركان رجعت الدبابات من ميدان الإمامة وطبعا عشان يدخل النحلاوي جوه ليطمئن بنفسه قال عايز اثنين من الضباط المصريين عشان ميدخلش فاللواء أنور القاضي ولواء آخر خدوه وقالهم اقعدوا معاه ودخل النحلاوي وقعد معاه قاله القيادات في الجيش عملوا تنقلات في الجيش السوري وأعطاه ورقة فيها البيانات.
ووافق أن فيه ضباط تمشي وطلب النحلاوي من المشير أنه يعمل بيان أنه خلاص الأمور أصبحت طبيعية فرفض وكان لازم تلغي الحصار من أمام القيادة قبل البيان وبعدين تم ترحيل المشير في 5 مساء وطلعوا بيان واستقل طيارته للقاهرة.
> يعني محصلش اعتداء عليه في رجوعه؟
>> لا لا لا مكنش في الكلام ده الحديث اللي دار بين الرئيس عبد الناصر وأبويا في دمشق وده كلام صلاح نصر مش كلامي.
> ترد بأيه علي ما يقال أن المسئول عن فشل الوحدة هو عامر؟
>> أنا عايز أقول إنك تحافظ علي الوحدة بالقوة العسكرية المفروض قبل ما نوصل للنهاية دي أن هم يعملوا انقلاب ضد الثورة وضد مصر والمفروض أن نتلاشي الموضوع ده من الأول النهاردة أنت عارف أن هناك تيار ضدك وفيه قوة بتعمل ضدك وهناك أشخاص مستاءون عايزين نطبق اللي هنا هناك مع أن الجو مختلف المشكلة كانت في عبد الحكيم عامر المفروض أن هو يعني يقمع السوريين ويحكمهم حكم عسكري هو ده المطلوب وبعدين كان هيعمل أيه والراجل ممسكش سوريا من البداية ده كمان المشاكل تفاقمت الرئيس قاله سايب في سوريا وقاله كمل
> ماذا دار في كواليس تقديم المشير استقالته؟
>> 1962 قدم استقالته وراح مرسي مطروح وقعد عند المحافظ المهداوي وده كان صديق له، تعليماته أنه محدش يعرف هو فين وقعد مع المهداوي وما أعرفش منين اللي اتصل به وماأعرفش عرفه مين أنه هو موجود، هيعرفوا في النهاية طبعا وحصل الاتصال وقعدوا مع بعض.
> فيه معلومات بتقول إن الرئيس عبد الناصر خذ عربيته وراح للمشير في بيته؟
>> برضه يعني لا أعتقد أن النقطة دي تفرق.
> هل كان لقاء رسمي؟
>> لم يكن لقاء رسمي كان لقاء حصل فيه معالجة في جميع الأمور ومصالحة لأن المشير كان رجل صريح وكان زي ما بيعترف بأخطائه كان بيواجه عبد الناصر بأخطائه وكان مش وصي عليه بحكم أنه صديقه ودي مصالح دولة وبالتالي لم يكن يرضيه .
> كان بيقول له ياجمال ولا ياريس؟
>> بينهم وبين بعض كان بيقول له ياجمال هو حتي واحنا قاعدين أو أمام أي أحد بيقوله ياريس التقدير ده موجود في جميع الأحوال هو رئيس الجمهورية الفعلي وعمره ما يتخطي رئيس الجمهورية.
> هل فعلا المشير بكي وقال له بتشك في انتمائي ليك وأن أنا مخلص لك والرئيس عبد الناصر عينه دمعت وانتهي بإنهاء كل القرارات السابقة صلح لي إذا كنت بقول معلومات غير دقيقة؟
>> والله عمره ما شفته بيعيط عشان عبدالناصر ولا عشان أي حاجة
> واستمرت الأوضاع حتي حرب اليمن .. مصر ضد حكم الامامة بعد ان كنا نؤيد حكم الامامة خرجنا احنا عن حكم الامامة والمفترض قوة رمزية عشان نحارب في اليمن تحولت القوات الرمزية لجيش وتخوض القوات المصرية حرب عصابات في اليمن ويحارب الجيش المصري نيابة عن حرب اليمن والمسئولية تقع في النهاية ايضا علي عاتق المشير عايز تعليق من سيادتك؟
>> ليه تقع عليه..؟؟ مش فيه رئيس دولة؟
>لكن انا بتكلم إن الرئيس عبدالناصر كان يريد انشاء قوات رمزية فحديث الدكتور عبدالرحمن البيضاني نائب رئيس الجمهورية اليمني معايا انا شخصيا قالي إن الرئيس عبدالناصر كان لا يميل لارسال قوات مصرية كان يميل إلي قوات رمزية أما المشير عامر كانت له اجندة في ارسال قوات مصرية لليمن.. هل هذا صحيح؟
>> طبعا غير صحيح اللي ورطنا في حرب اليمن هو عبدالرحمن البيضاني ده اللي هو سبب الكارثة معلوماته الخاطئة وهو كان له أهداف معينة في اليمن هو اللي ورطنا في هذه العملية ده شيء معروف وفي خلفيات انا مقدرش اقولها اكتفي بكده لكن هذا الكلام غير سليم وانا بكذبه.
> طب قل لي الحقيقة؟
>> انا لا يعنيني الدكتور البيضاني في حاجة، لأن كلامه غيرمصدق يعني حتي سبب احدي الكوارث اللي جرتنا لحرب اليمن مصالح شخصية له هو مقدرش.. اخد بكلامه
هو راحوا لمجرد البيضاني أن قال لهم العملية مش هتاخد حاجة ولو بعتوا شوية عساكر وضباط العملية مش هتاخد حاجة.
كان فيها ضباط كثير كان فيها صلاح المحريزي وكان فيها انور القاضي كان قائد القوات هناك طبعا هي ابتدت صغيرة قاله ان قوة صغيرة ممكن تحل الموضوع هي الخطورة مش في كده الخطورة ان اليمن لها حدود مع السعودية، السعوديون لا يمكن يقبلوا نظام جمهوري علي حدودهم وهم نظام ملكي وكان في عداء سافر بيننا وبين السعودية وكان الملك سعود قاعد في مصر هنا كان لازم يحصل اللي حصل ابتدت بقوة صغيرة ابتدت العملية تكبر وزي ما حضرتك بتقول اتحولت لحرب عصابات واناعندي هنا شهادة الفريق انور القاضي ممكن اقرأها لك
> اقرأها لي لو سمحت
>>شهادة للرئيس علي طول
احنا هنا في محك تاريخي
وميتقلش ان انابقول كلام عشان ابنه وبدافع
>ومن حقك تدافع برضه
>>اه طبعا ادافع ده أبويا بس ادافع بالمنطق ولو هو غلطان اقول ان هو غلطان
>انت قلت لي ان هو ترقي 4 ترقيات اذا انت صادق فيما تقوله
>>ده كلهم، طب.. ما عبدالناصر كان يوزباشي، مش أصبح رئيس الجمهورية.
>بس مش سلطة عسكرية؟!
>> بالعكس ده هو القائد الأعلي للبلد كلها
>بالانتخابات يافندم مش كان في انتخابات ساعتها؟
>>في انتخابات ساعتها وفي انتخابات دلوقتي المشيرعامر متهم بارسال قوات لليمن وتسبب هناك في حرب عصابات انت لا تعتقد انها مسئوليته؟
اتفضل دي مذكرات الفريق أنور القاضي اللي هو قائد القوات المصرية في اليمن يتحدث الفريق القاضي بلقائه عند الرئيس عبدالناصر مع عودة قواتنا لليمن سنة 63
>دي كانت أول عودة؟
>>أيوه
ونري الفريق القاضي انه حريص إنه يلح علي الرئيس عبدالناصر في بيت الرئيس من اجل عودة قواتنا من اليمن وان عبدالناصر لايعارض فيما يتعرض بوجهة نظره العسكرية ولكن لفت نظره لوجهة نظره السياسية وشرح له ان عملية اليمن كانت بمثابة ضربة مضادة للضربةالتي تلقاها بانفصال سوريا وهو يعرف ان الفريق القاضي يعي المشكلة ويعرف بضرورة التفاهم مع السعودية
> سؤالي واضح قوات مصرية تروح اليمن تدفع الثمن ليه ومن المسئول عامر أم عبدالناصر؟
>> هما الأثنان مسئولان ببساطة إذا كانت القوات راحت والمشير وافق يبقي هو المسئول
> ينفع القوات تروح دون موافقة المشير؟
>> ولو راحت تبقي بموافقة عبدالناصر من البداية القرار نفسه قرار سياسي من بدايته قرار رئيس الدولة هو ممكن كان مشكوك في هذا القرار وممكن اعضاء مجلس قيادة الثورة كانوا مشاركين في هذا القرار مش هو بس لكن بالتأكيد انه مكنش راضي عن هذا الموضوع
> هل وقع هناك أي شيء من المشير أو مما يعملون مع المشير كان به اساءة للنظام الحاكم في مصر؟ أنا مش عايز أفسر السؤال؟
>> لأ.. هو كان فيه ضباط في مكتبه بيعملوا عملية بيجيبوا بضائع من اليمن يجيبوها هناك لما هو عرف دخلهم السجن الحربي دفع الغرامات الجمهورية اللي علي البضائع من جيبه الخاص
> مكنش يتناول بعض المخدرات في تلك الفترة؟
>> عمره.. عمره دي برضه من الحاجات التي قيلت وروجوها ضده بشكل كبير
> يتهم المشير انه كان يشرب الحشيش؟
>> كلام بيتقال زي الكلام اللي بيتقال دلوقتي وكانت محاولة لتشويه صورة المشير عامر لكن ده لم يحدث ولا عمره شربه ولا حصل هذا الكلام.
> فشلت الوحدة أو فشل الجيش المصري في اليمن وفي ذلك الوقت وفي تلك الفترة العصيبة في تاريخ مصر تبدأ معركة جديدة معركة كبيرة هي يونيو 67 حدثني عن هذه الفترة المهمة في تاريخ مصر
> القوات المصرية بتتناحر هناك وفلوس بتتصرف بكميات كبيرة وفي نفس الوقت اتهام للمشير لبعض التجاوزات خصوصا في فيللا المريوطية في الهرم تعقيبك ايه؟
> السيد صلاح نصر ذكر فيها ان المشير كان يروح هناك لبعض الفنانات لكن جلسات سمر وغيره مقدرش اقول جلسات سمر وغيره؟
>> لأ.. هو اتجوز الفنانة برلنتي عبدالحميد
> أنا بتكلم قبل مايجوزها؟
>> لأ.. محصلش الموضوع ده
> برلنتي عبدالحميد في حوار لها معايا قالت أول مرة تلتقي بالمشير التقت به في فيللا المريوطية وكان متخفي وكان لابس لبس لم يظهر انه المشير لكن لما بدأ يتكلم ظهر انه المشير ولم يكن لقاء مغرضا كان ملتقي ثقافي وهي كان لها رأي وبعدها بكام يوم بعتلها كتاب تقرأه وبدأت العلاقة بينهما حتي كللت بالزواج.
>> اللي حصل انه شفها في لقاء أعتقد في الاتحاد الاشتراكي هي كانت في التنظيم الطليعي معتقدش انه كان في لقاء خاص
> أمال فيللا الهرم كانت بتاعة أيه يا فندم؟.. معرفش فيللا الهرم .. المريوطية؟
>> هي اللي حصل فيها الوفاة
>لكن كان ليها تاريخ قبل كده عند المشير؟
>> يجوز معرفش.


للحديث بقية
في العدد القادم .. مذكرات عبدالحكيم عامر عن نكسة 67بخط يده

رد مع اقتباس
قديم 10-31-2009, 10:55 PM   رقم المشاركة : [2]
على الشامى
إداره الموقع
الصورة الرمزية على الشامى
 
افتراضي

شكرا ليكي علي النقل


التوقيع:


على الشامى غير متواجد حالياً   رد مع اقتباس
قديم 11-01-2009, 10:07 AM   رقم المشاركة : [3]
احمد مختار
مشرف عام
الصورة الرمزية احمد مختار
 
إرسال رسالة عبر مراسل Yahoo إلى احمد مختار
افتراضي

مشكورة اميرة عالطرح


التوقيع:


احمد مختار غير متواجد حالياً   رد مع اقتباس
قديم 11-29-2009, 05:38 PM   رقم المشاركة : [4]
احمد هانى
عضو
 
افتراضي

شـكــ وبارك الله فيك ـــرا لك ... لك مني أجمل تحية .


احمد هانى غير متواجد حالياً   رد مع اقتباس
قديم 12-02-2009, 06:24 PM   رقم المشاركة : [5]
اميره علي
عضو VIP
 
افتراضي

جزاكم الله خيرا

وانا اللي بشكركم علي مروركم اللي اسعدني جدا


اميره علي غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
1430, ليوم, العيد, اخبار, هـ250


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع