التوك توك حكومة ارض اللواء

[راجية الفرج]

السلام عليكم ورحمة الله وبركاته
عنوان غريب بس حقيقى سواقين هما حكومة ارض اللواء منطقة موجودة فى شارع السودان بالمهندسين وانا كنت من سكانها لحدماربنا فرجها عليا
تخيلو مجموعة من المسجلين والعاطلين يتحكمو فى خط سيرك ومواعيدك
مش بس فى المنطقة دى بس لا فى شارع السودان بشكل عام لانه من الطبيعى لما يقف صف سيارات بطول المزلقان هياثر على شارع السودان كله لحدمايتكرم سواق التوك التوك ويقرر فتح الطريق وطبعا دا غير التحرشات والحوادث والسرقات وماخفى كان اعظم ممكن تتهمونى بالمبالغة لكن التجربة العملية خير برهان
فعلا سكان المنطقة دى فى خطر وخصوصا البنات والامهات اللى انا نفسى كنت واحدة منهم دا غير سواقين الميكروباصات اللى ماعندهاش ارقام تخيلو ؟؟؟؟؟؟؟؟
انا اللى مستغرباه كمية الحوادث والمهازل اللى بتحصل ومفيش اى رد فعل
عشان كدا اللى وصلتلو هو ان التوك توك حكومة ارض اللواء وما حولها

[على الشامى]

مساء الخير اختي مصر بالكامل الجميع يعلم بالزحمه وما يحصل فيها زي ما ذكرتي

وبصراحه دة غلط علي الامهات والبنات وياريت الناس تتحرك وتشوف حل

[lion hart]

والله انا من رايك يا على وياريت فعلا احنا نتحرك لانى الحكومه اصبحت ودن من طين وودن من عجين ولا ايه


وعلى فكرة يا راجيه انا قريب من المزلقان وعارف بلاويه الكبيرة وغير التحراشات كمان

الشم والحشيش وغيرة من تلك السموم التى يشربونها الذى يرتكبوة اولائك

السائقين

ربنا يهدى شبابنا

[شيرين]

ربنا يهدى المسلمين اجمعين