أنا مش عجبنى قدر ربنا

[safy nada]

أنا مش عاجبنى قدر الله !!!!


أنا عايزة أسألك شوية أسألة الأول و يا ريت تجاوب بصراحة....


هو انتى ليه مش راضى؟؟

ليه زعلان و مدايق؟

ليه دايماً حاسيس انك مظلوم؟

ليه دايماً حاسس ان ربنا هو البيدايقها عليك؟

ليه مش شايف ان الغلط من عندك؟

ليه كل حاجة تقول ليه يا رب؟

:::::::::::::::::::::::::::::::::::::::

ليه ماتقولش ليه يا نفسى؟

ليه يا نفسى عملتى كده فيا ؟ ليـــــــه؟

ليه وصلتينى لكده؟ ليه خلتينى أعصى و أعصى لحد ما ربنا سلب نعمه منى....

لأنى قصرت و لأنى ظلمت و لأنى كذبت و لأنى ... ولأنى... ولأنى....


كل واحد فينا أكيد عندو حاجة غالية عليه أوى ربنا أخذها منه و متلغبط و مش عارف




ليـــــه؟

ليه يا رب ليه؟

ليه اخدها منى؟ ليه حرمتنى منها؟

:::::::::::::::::::::::::::::::::::::::::::::

انا عايزة أقولك

((((((((( لأ ))))))

لا والله ما حرمك منها عذاب و لكن حرمك منها رحمة ايوة رحمة

رحمة منو سبحانه لأنه هو العارف مصلحتك مش انتى

أكيد انتى مش شايف الخير دلوقتى لكن أكيد هتشوفو قريب و هتعرف ليه و هتبتسم

بسخرية على نفسك....

نفسك العايشتك فى هم و حزن و جحيم يوم ما فقدت هذا الشىء أو هذا الشخص أو

هذا النجاح

هتقول يا ريتنى كنت شكرت ربنا و حمدته

هتقول يا ريتنى كنت رضيت يا ريتنى كنت فكرت و لو للحظة

ان ده ممكن يكون ابتلاء ممكن يكون امتحان من ربنا عشان يشوفك هتعمل ايه؟


لأنه بيحبك ابتلاك

شوف انتى عملت ايه؟

حزنت و أكتئبت و قـنـتت من رحمة الله

رغم انك عارف قول الله تعالى

بسم الله الرحمن الرحيم

(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ

إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))

صدق الله العظيم

تناسيت انه كريم انه حليم انه غفور انه أرحم الراحمين

:::::::::::::::::::::::::::::::::::::::::::::::::: ::::::::::::::

انتى عارف انتى عملت ايه لما ماعجبكش قدر الله؟

تخيل معايا كدة ربنا العظيم بيقولك يا فلان يا عبدى انا اخترتك و جايبلك هدية و مدلك يده

العظيمة عشان تاخد الهدية قومت بصيت عليها و كشرت و دورت وشك و قولت لأ مش

عجبانى!!!!

ولله المثل الأعلى طبعاً

يااااااااااااااااااااااااااااااااااااااااااااااه

لا حول ولا قوه إلا بالله


ايه الانتى عملته ده؟ انتى ماعجبكش قدر الله؟

انتى بتغرب وجهك عن الله القادر على ان يسخطك فى لحظة؟!! و لكنه حليم و أرحم


الراحمين

:::::::::::::::::::::::::::::::::::::::::::::::::: :::::::::::

ربنا سبحانه و تعالى قالى فى سورة الاعراف

بسم الله الرحمن الرحيم

(( فَخُذْ مَا آتَيْتُكَ وَكُنْ مِنَ الشَّاكِرِينَ )).

صدق الله العظيم

يعنى ربنا بيقولك خذ يا فلان هديتى.. خذها أنا مادد ايدى سبحانه ليك خدها و اشكرنى

انى اهديتك انتى.....

يا ترى فعلا هتاخدها و انتى فرحان و هتقول الحمد لله يا رب انك اخترتنى انا

انا العبد الفقير و اهديتنى هذا الابتلاء الحمد لله يا رب انك فاكرنى الحمد لله انك لم

تجعلنى من الذين قلت عليهم

))قوله تعالى (( نسو الله فأنساهم أنفسهم))

أنا مش عارف أقولك ايه يا رب غير

اللهم لك الحمد حتى ترضى اللهم لك الحمد ءاذا رضيت اللهم لك الحمد بعد الرضا حمداً

طيباً مباركاً فيه ملء السماوات و ملء الأرض و ملء كل شىء كما ينبغى لجلال وجهك

الكريم و عظيم سلطانك بعدد ما كان و عدد ما يكون و عدد الحركات و عدد السكون
:::::::::::::::::::::::::::::::::::::::::::::::::: :::::::::

ولا هتقول....... الأنتى قولتو يوميها .. فاكر اليوم ده؟ فاكر يوم ما ربنا ابتلاك عملت ايه؟

فاكر كان احساسك ايه بربنا غز و جل ( اسغفر

انت عارف انا عايزة أقول ايه...

يا ريت تكون صريح مع نفسك و صادق و تقولى

يا ترى انت مين فيهم؟ أو كنت مين فيهم؟ و ناوى دلوقتى تكون مين فيهم؟

:::::::::::::::::::::::::::::::::::::::::::::::::: :::::::::::::

عايزة أقولك حاجة كمان

فى آيتين رائعين فى سورة النحل

بسم الله الرحمن الرحيم

ما عندكم ينفد وما عند الله باق ولنجزين الذين صبروا أجرهم بأحسن ما كانوا يعملون ( 96 ) من عمل صالحا من ذكر أو أنثى وهو مؤمن فلنحيينه حياة طيبة ولنجزينهم أجرهم بأحسن ما كانوا يعملون ( 97 ) )

صدق الله العظيم

عارف يعنى ايه؟

ربنا سبحانه و تعالى بيقولنا ان كل شىء لديكم سيأتى له يوم و يخلص و ينتهى اما ما

عند الله فهو باااااااااااااق لا يخلص و لا ينتهى ابداً

و ان ربنا سبحانه سيجزى و يرزق الصابرين اجرهم بأحسن مما كانو يعملو فى الدنيا

و ان الهايعمل عمل صالح فى الدنيا و هو مؤمن و صالح سواء كان ذكر أو انثى ربنا

هيخليه يعيش حياه جميلة مليئة بالخيرات المادية و المعنوية و بيأكد سبحانه مرة كمان

انه سيجزيهم اجرهم بأحسن ما كانو يعملون

ياااااااااااااااه الله ما أكثر كرمك و رحمتك علينا!

كل ده عشان صبر على حاجات بسيطة فى الدنيا؟!

هنكسب كل ده عشان كلمة الحمد لله من القلب ا و

مجرد الرضا بقدرك هيكسبنا كل ده؟

كل ده وحنا غافلين عن الخير ده كله!

لأ و كمان مش عاجبنا!
يااااااه

داحنا وحشين أوى

يا رب جلالتك بتنزل علينا رحمة و خير ومغفرة و رزق و صحة و جمال و ايمان و و و و نعم لا تحصى

وحنا بنطلع فوق معاصى و قنوت و كذب و عدم رضا!!!



هو احنا ليه كده؟

ليه بنعمل كده؟

عايزين نوصل لايه؟

شايفين الصح و بنقوله لأ احنا عايزين الغلط

ناسينا ان هيجى يوم هيتقالنا

{ وجاءت سكرة الموت بالحق ذلك ما كنت منه تحيد* ونفخ في الصور ذلك يوم الوعيد * وجاءت كل نفس معها سائق وشهيد * لقد كنت في غفلة من هذا فكشفنا عنك غطاءك فبصرك اليوم حديد }.

لا اله الا الله ........ لا اله الا الله

اللهم ارحمنا يا رب و اهدينا و نور بصيرتنا و ازل الغشاوة عن أعيننا

اللهم لا تقبض أرواحنا الا و انت راضىٍ عنا غير غضبان


آمين....آمين....يارب العالمين وصلى الله على نبينا أشرف الخلق أجمعين.

[احمد مختار]

لا اله الا الله ........ لا اله الا الله

اللهم ارحمنا يا رب و اهدينا و نور بصيرتنا و ازل الغشاوة عن أعيننا

اللهم لا تقبض أرواحنا الا و انت راضىٍ عنا غير غضبان
اللهم امين يارب العالمين
موضوع اكثر من رائع ياصافى
لكى كل التحية والتقدير

[غادة]

[align=center]بسم الله الرحمن الرحيم

(( فَخُذْ مَا آتَيْتُكَ وَكُنْ مِنَ الشَّاكِرِينَ )).

صدق الله العظيم

اللهم لك الحمد على كل شئ

موضوع جمييييل جدا يا صافى جعله الله فى ميزان حسناتك [/align]