واحد من الناس غير جواك أيه؟

[اميره علي]

السلام عليكم ورحمة الله وبركاته

أزيكم يا أعضاء منتدانا الغالي

كل سنة وانتم طيبين وبخير وعام سعيد علينا أجمعين"اللهم أمين"

حبيت احكيلكم علي تجربتي مع برنامج "واحد من الناس" ونتناقش في الموضوع ده

إمبارح في الإعادة بتاعت البرنامج فكرت واحد من الناس غير جوايا أيه ولا هي مشاهدة وخلاص لاقيته غير فيا حاجات كتير .

بداية بمشكلات" العشوائيات" "ومياه المجاري "اللي الناس بتشرب منها عمري ما فكرت أن والدي تعب أوي علشان يوفرلنا حياة كريمة غصب عن الحكومة اللي ممكن ترمي الناس في الشارع ومتسألش فيهم.
نعمة كبيرة كنت غفلامة عنها أن أبويا مش حاوجنا للحكومة دي حسيت أن الجل العظيم ده وفرلنا حياة كريمة حتي عمري ما فكرت أن أشكره عليها.

والحالات الإنسانية كام واحد فكر يشكر ربنا علي الصحة معظمنا اتعامل مع صحته وكأنها فرض من ربنا لازم يكون عندنا فعلا أنا بشكر ربنا كل حلقة علي نعمة الصحة.

وتعلمت كمان من أستاذ عمرو الإيجابية واني ما اخافش في الحق لومة لائم وخوفي بس يكون من سؤال ربنا ليا عن "عمري فيما أفنيت".

مش هنسي التهديد اللي جاله في البرنامج ومهزهوش للحظة عن أداء مهمته والإستمرار فيها ولا حتي فكر وقال"أخدم الناس ماشي بس مأزيش نفسي"ولو قالها كان هيبقي عنده مليون حقبس ده محصلش.
يعني علمني الشجاعة ونبرة القوة في الحق.

وكمان البرنامج علمني الإحساس" بالفقير" وعمري ما هيكون في إيدي خدمة وأبخل بيها علي الناس.

البرنامج ده يعتبر مدرسة إصلاح داخلي في البشر بداية من مسئول ضميره نايم فيصحيه أو رجل أعمال فإيده أنه يساعد الناس يوجهه أو فرد عادي زيي يحسسه بنعمة هو فيها غفلان عنها.

يمكن البرنامج ده أتأخر أوي بس الحمد لله أنه جه حتي لو متأخر.
أتمني يارب أن ربنا يكرم أستاذ عمرو بجائزة "اليونسكو" تكريما له علي التغيير الداخلي في النفوس والخارجي المادي في حياة الناس من غير ما يكون ليه فيه مصلحة إلا عمل الخير.

دي كانت فضفضة مني معاكم ياريت بقي كل واحد يحكي لينا" واحد من الناس "غير فيه أيه.

[اميره علي]

يلا مستنية الردود

[هند محمد محمود]

شكرا اميرتى على هذه الفكرة الجميلة..

حقيقى كان لابد مع نهاية العام ندرك ما دور واحد من الناس فى حياتنا

بالنسبة لى كان نقطة تحول فى حياتى
فبجانب انه زادنى من الاحساس بالتواضع .. وزادنى من القوة وعدم الخوف.. وزادنى من الحمد للرحمن على كل ما يلم بى من ألالام

لكنه كان له اهم دور الا وهو ان والدتى ان كانت رحلت فهذه ارادة الرحمن.. لكن ليس معنى رحيلها الاستسلام .. لان هناك الكثير ممن يحتاجون حياتنا .. وانه لابد ان نتعايش مع الناس ومشاكلهم بل ونجاهد فى حل كل مشكلة وألم يلم بهم


واحد من الناس يمثل لهند الحياة

[على الشامى]

برنامج واحد من الناس غير جوايا حاجات كتير جدا
هكلم عن نفسي شخصيا انا كنت بصرف فلوس كتيرة جدا على حاجات مش تستحق الصرف
وفعلا في ناس تستحق كل جنيه بيصرف في حاجات فاضيه
وفقرة العشوائيات دي خصوصا تجعل الصخر يتحرك والجبل يبكي

[lion hart]

انا هكتب ردى بالمثل البلدى

اللى يشوف بلاوى الناس تهون عليه بلوته

جزاكى الله خيرا اميرة الموقع


والحمد لله على ما نحن فيه

[اميره علي]

[align=center]هند وعلي وأبو شهد شكرا علي مروركم اللي اسعدني جدا

ومستنية ردود باقي الأعضاء[/align]

[اميره علي]

[align=center]ايه ده بقي وفين باقية الأعضاء

يلا مستنية الردود[/align]

[احمد مختار]

[frame="6 98"]السلام عليكم ورحمة الله وبركاته
اولا بحييكى ياميرة عالفكرة الرائعة دى
بصراحة ياجماعة انا اساسا مش من النوع اللى بيحب البرامج والتلفزيون عموما الا الماتشات طبعا وخلاص
بصراحة اول مرة وانا قاعد اقلب فى التلفزيون كدا عشان اشوف خبر رياضى ولا حاجة شدنى امراة كبيرة فى السن تبكى قلت استنى لما اشوف ايه ده
بصراحة استمعت ليها وبكيت بكاء مرير من حالتها
وكنت اعرف مستر عمرو من برنامج اختراق كنت فى بعض الاحيان بشوفه
بصراحة اتشديت جدا للبرنامج وبدات اتابعه وبعد اول حلقة شفتها اتعلقت جامد جدا بالبرنامج
ولما شفت فقرة العشوائيات اول مرة والناس واوضاعها قعدت احمد ربنا على اللى انا فيه طول الليل الحمد لله عايش مع اهلى فى بيتنا وصحتى كويسة وخريج جامعى وشغال الحمد لله
شفت احوال الناس دى مكنتش مصدق ان فيه كدا وبكيت بكاء مرير على اوضاعهم ولسان حالى حسبى الله ونعم الوكيل فقط لاغير .
لدرجة انى فى هذه الليلة تاثرت جدا وكان هذا يوم خروجى مع اصحابى لم اخرج نظرا لما رأيته
وقعدت احمد ربنا طول الليل وكنت بسأل نفسى نفس السؤال اللى مستر عمرو بيسأله
(مين السبب ) ؟
من هذه الليلة وانا بدات اتابع البرنامج واتابع جميع اخباره واتابع مستر عمرو وجميع اخباره
فبصراحة تاثرت جدا بالبرنامج وخصوصا الحالات الانسانية والعشوائيات
والحمد لله حياتى تغيرت وبدأت احمد الله على كل شى
بصراحة شفت مرة فقرة العشوائيات مكنتش مصدق او مكنتش متخيل ان ممكن يكون فيه كدا
سبعة او ثمانية فى غرفة واحدة وبها الحمام والمطبخ وكل شى حتى انا الرجل يملك حمار قال انه بيبات معاه فى الغرفة دى برضه عشان خايف يتسرق
بصراحة كنت مذهول من اللى انا شفته ازاى فيه كدا وليه فيه كدا ومين السبب
بصراحة ياجماعة انا لو قعدت احكى مش هاخلص
البرنامج ده بيمثل لى اشياء كثيرة جدا من حياتى
وكان هو سبب دخولى هذا الموقع الذى اعتبره مثل بيتى بعلاقاتى بجميع الاعضاء فيه
وعلى اد ياجماعة ما بكون حزين وانا بشوف فقرات الاحالات الانسانية والعشوائيات على اد ما بتغمرنى الفرحة لما بلاقى ناس فيها الخير وبتقدم مساعدات للناس دى واحس فعلا ان الدنيا بخير
وبتغمرنى الفرحة ايضا حينما اجد ان شاب حصل على وظيفة او اسرة حصلت على مسكن لها
بصراحة ياجماعة انا باشكر مستر عمرو وباشكر كل القائمين عالبرنامج
وباشكر فاعلى الخير
وربنا يزيد من فاعلى الخير ويكرمهم
ويارب دايما البرنامج يقدر يقدم خدمات للناس
ويارب انا اقدر اقدم اى حاجة فى استطاعتى لاى حد
وباشكرم اخوانى واخواتى فى موقعنا الجميل بيتنا الثانى موقع عمرو الليثى
وباشكرك جدا ياميرة على موضوعك الرائع اللى خلانى اتكلم عن البرنامج وعن اللى بحس بيه [/frame]

[اميره علي]

[align=center]أن اللي بشكرك يا أستاذ أحمد علي المشاركة في الموضوع[/align]

[اميره علي]

شكرا لكل اللي شارك معانا في الموضوع ومستنية باقية أراء الأعضاء