اليوم الثلاثاء مسيرات نساء مصر.. وتوجيه رسالة للمجلس..بنات مصر خط أحمر...

[hanaa.sefrioui]

من بعض هتافات نساء مصر..مصر ياأمي... دول ستاتك اللي شالو الهم...دول يفدوك بالدم
عالي الصوت مطالبنا مش حتموت
عالي عالي الصوت صوت المرأة مش حيموت
نظمت مئات السيدات مسيرة من ميدان التحرير فى طريقها إلى نقابة الصحفيين عبر شارع طلعت حرب، حاملين أعلام مصر، ولافتات وصورا تعرض الانتهاكات التى تعرضت لها بعض الفتيات بميدان التحرير أثناء الاشتباكات مع قوات الأمن بشارع مجلس الشعب.

هذا، وقد تحركت المسيرة وسط جدار بشرى من مئات الشباب بميدان التحرير، حيث ردد الجميع" بنات مصر خط أحمر"، و"عيش حرية عدالة اجتماعية"، و" قول ما تخفش المجلس لازم يمشى"، و" هنشيلة هنحلة هنفك المجلس كلة"، كما هتفوا مطالبين الأهالى فى الشرفات بالنزول، مرددين هتاف " انزل يا مصرى "، كما حملوا لافتات مكتوبا عليها " ضد العسكر ضد الظلم فداكى يا أختى فداكى يا أمى وأثناء التسجيل مع بعض النساء كانت هذه بعض ردودهن للتأكيد على الرسائل المتتالية التي بعثناها للمجلس
منها المرشحة المحتملة لرئاسة الجمهورية بثينة كامل
اللي بنا وبين المجلس دم وعرض وشرف لابد أن يحاكمو...أما عن التحقيق وقد عبرت عن حزنها الشديد لسقوط اليوم الشهيد رامي الشرقاوي
احدى السيدات
رسالتي المشير يعتبر بنته اومراته اللي اتعريت دول لبسوا طرح
احدى السيدات
رسالتي من حق الستات ان يحترموا ويقدروهم لأنهم نص المجتمع
احدى السيدات
رسالتي اعتراض على اهانة البنت المصرية
احدى السيدات
رسالتي للمجلس بنات مصر وستات مصر مابيخافوش
احدى السيدات
للمتأسلمين اللي بيهبو لكامليا وعبير فين هبتهم لعرض بنت مصرية وشكرا للثورة اللي بينت وجه كل واحد قبيح في البلد ده
احدى السيدات
معترضين بشدة من المجلس ده مش بيحمينا ده بيعرينا بيعرينا قدام البلد
احدى السيدات
رسالتي كده خيانة للبلد انت مع مين..بناتنا خط احمر مصر مشهورة بالأمان ازاي البنت تنزل للشارع بأمان وبيحصل لها كده
احدى السيدات
الشعب اللي عريته والبنت اللي عريتها مش عريتها انت عريت نفسك
احدى السيدات
اللي يهتك عرض بنات مصر ماينفعش يحكم مصر
احدى السيدات
مش حنسيب المجلس العسكري السفاحين اللي بيقتلو خيرة رجالة مصر والمعتقلين اللي بيتعذبو ومش حنسيبهم ولا حنسيب الشهداء اللي اتقتلو على قوات المجلس اللي بتحمي نظام الفساد
احدى السيدات
ستات مصر مايستاهلوش السحل وبمليون راجل
احدى السيدات
بنات مصر خطر احمر وبنات العرب خط احمر
احدى السيدات
كفاية عار وكذب وخيانة وحرق في مصر
وهذهاحدى رسائل السيدات التي اثارت انتباهي كثيرا
ياسبحان الله من فوق سابع سما ربنا حاب يشوف وشها وحجبه عننا عشان تقول ده مش جسدي ده جسد كل بنت مصرية ولا حتى بنعرف اسمها لان اسمها بنت مصر
كانت هذه بعض ردود ورسائل نساء مصر للمجلس الى جانب تأكيدهن على وقف الرصاص و القتل وتطبيق القانون
كانت تلك بعض ردودهن التي تم نقلها بشكل مباشر