اوعى تضحك ......

[ahmedshshsh]

اوعى تضحك ل الصورة تطلع بايخه
اصل ده لا وقت ضحك ولا وقت نكت بايخه
ال احنا فيه كتير وعاوزله وقفه

عملنا ثورة وقولنا تغير
واتارى الخيبه لسه فى مكانها واقفه

مالك يا بلد فى ايه بيرضيكى

ليه كل ما نرويكى بالدم تطرحى هم فوق الهم

مش كفايه الدم ال سال ولا إنتى عجبك لون الدم

سبع تلاف سنه
ويا حبيبتى يا مصر
ومصر دى امى
والجو عندنا ربيع طول السنه

مش هو ده كلامنا ودى اغانينا
طب نفسى اعرف لحد امتى هنعيش نغنى واحنا فينا ال فينا
هو احنا بنضحك على غيرنا ولا على نفسينا



طب اقولكم حاجه

حاسس إن من كتر ال حصل وال بيحصل


إن هيجلنا تنـــــــــاحة
وإن مهما يحصل مفيش حاجه جوانا هتحصل
وعادى
لا هتبكينا حاجة ولا هنحزن


زى ال بيتجلد ومن كتر الجلد
مبقاش يتوجع

وإنه عادى ال بيحصل


خايف احساسنا يتبلد من كتر ما بنشوف الموت بعنينا
و من كتر ما بنشوف الدم ...يبقى ما عندناش دم
حايف نتعود على الهم ويضحكوا علينا ونزهق و نبطل نهتم
خايف منقدرش نغيرهم وهما ال يغيرونا
خايف من يوم ...نقول فيه ..فينكم يالى كنتوا بتسرقونا

ما هى عاملة زى عربية
خدناها من ال سرقها
واديناها لل مش عارف يسوقها



حد فاهم حاجة ... ولو فهمنا ايه ال يحصل
ما تخدوش فى بالكم اهو كلام كتبتو
بقلمى ..قصدى من زهقى وهمى
بقلمى / ( ahmedshshsh(Ahmed sayed)