اطفاء أنوار الشوارع بأمر قراقوش !

[محمد زنادة]

اطفاء أنوار الشوارع بأمر قراقوش !

فاكرين "قراقوش" حاكم مصر اللى حرم اكل الملوخية .. تماما أصدر مجلس الوزراء باطفاء نصف أنوار الشوارع بحجة ترشيد استخدام الكهرباء.

وقال برنامج ( 90دقيقة ) إن القرار تضمن ايضا دراسة عدم السماح للمحلات التجارية بالعمل بعد الساعة الـ 7 مساء وذلك لخفض الأستهلاك من الكهرباء بنسبة 50 %".

وأضاف المتحدث الرسمى لوزارة الكهرباء في اتصال هاتفي لبرنامج ( 90 دقيقة ) أنه قد تم عمل عدد من الدراسات التى توضح مستويات شدة الاضاءة فى بعض شوارع مصر مقارنة بالمواصفات العالمية وقد أثبتت تلك الدراسة ارتفاع مستويات شدة الاضاءة بنسبة تتراوح ما بين 3 إلى 5 أمثال المعدلات العالمية المطبقة فى المدن الأوروبية والأمريكية , فضلا عن أن الإنارة العامة فى مصر تستهلك وحدها حوالى 6.5 % من إجمالى استهلاك الكهرباء" .

من جانبه رفض رجل الشارع الإطفاء الكامل لأى شارع سواء كان رئيسيا أو جانبيا بل طالبوا بضرورة الالتزام بانارة الشوارع جميعا .

وأعرض أصحاب المحلات التجارية للبرنامج عن سخطهم من هذا الاقتراح , موضحين أن اغلب الناس لاتتسوق الا بعد الساعة الـ 7 مساء , وأنهم طول النهار يكون هناك كساد , ويزداد العمل ليلا , فعندما تغلق المحلات في الـ 7 متى يعملوا اذن ؟

[tota]

هو قرار نوعا ما كويس بس لو استعمل بطريقه صح يعنى لو ساعه معروفه لكل المستهلكين وتكون معروف توقتها بدام لترشيد

[عمادصابر]

عندنا بدل قطع الاناره من الاعمدة قام بخلع الكشفات من الاعمدة علاشان محدش يشكى من انقطاع الكهرباء فى الاعمدة

[شروق الشمس]

ما هو دة اللي بيؤدي الي زيادة معدل نسبة الاغتصاب في الدول الاوربية والامريكية ان اكتر الشوارع مظلمة ربنا يسترها علينا

[احمد مختار]

طب وليه يعنى
ما يروحو يوفرو فى حاجة تانية