إطرح أسئلتك علي الاعلامي عمرو الليثي

[zidan77]

السلام عليكم ورحمة الله وبركاته
سؤالى ياترى امتى الحال هيتغير ويتحسن ؟؟؟؟؟؟؟؟ بجد الواحد لسه شاب اقسملك انى خلاص طهقت من العيشه هنا مش عشان بلدنا وحشه لكن الناس فعلا بقت وحشه بنقول الحكومه وحشه فعلا الحكومه كلها وحشه جدا لكن الاوحش اننا بقينا بنطلع غلنا من العيشه فبعض انا من ساعة وفاة والدتى الله يرحمها ويسكنها فسيح جناته هى وكل المسلمين والمسلمات والواحد عرف هى كانت مستحمله ايه الواحد كان بس عليه ياكل ويشرب وينام ويلعب ويذاكر وينجح والحمد لله على كل حال بس فعلا شفت قد ايه ان ماحدش عاوز يمشى اى حاجه لحد الا بالرشوه او ان يكونلك واسطه جامده انما ان كل حاجه تمشى بما يرضى الله لا ازاى بقى ماينفعش حتى نبقى مش فى مصر والله يا استاذ عمرو انا من ساعة ما والدتى اتوفت مافيش حاجه بتخلص بقالنا 3 سنين لا معاش بيطلع ولا ورق بيخلص وكل واحد بيبعتك للتانى بتحس ماحدش عاوزك حتى تاخد حقك الموظف قاعد كأنك داخل تشحت واماره وقرف ومعامله سيئه واول مالواحد يتنرفز ويتخنق ويعلى صوته ويهددهم بالشكوى وغيره يخافوا ليكون ليك واسطه ولا حاجه ولما يكتشفوا ان مالكش واسطه يبقوا اسوأ من الاول مايعرفوش ان الواحد مالوش واسطه فى الدنيا فعلا بس لينا ربنا اللى خلقنا وعارف انه هيرد لكل واحد عمله بس فعلا بقيت مش فاهم ليه احنا بقينا وحشين اوى مع بعض وماحدش عاوز حد يستريح ده حتى فواتير الميه والكهرباء جايه بارقام غريبه ولما تشتكى يقولك معلش دى غلطه من المصلحه بس لازم تدفع وبعدين هنخصمها وطبعا كل سنه وانت طيب ولا حاجه تتخصم ولا غيره ولو قلت مش دافع يقطعوا الميه والكهرباء وكله وكل حاجه عماله تغلا وتزيد بالاضعاف والمرتبات فى الحضيض وتلاقى البلد بيطلعوا اى حاجه ينهبوا بيها اى فلوس من الشعب مع انهم عمرهم مابيفكروا يدوا للشعب حاجه بياخدوا بس وتلاقى فجأ كام رجل اعمال هرب بمليارات بره مصر ده طبعا غير اللى سارقينها وعايشين جواها وماحدش يقدر يقولهم حاجه لانهم مسنودين وليهم واسطه وشويه الواحد يلاقى ناس بتموت والسبب قانون الطوارئ وبعدها يلبسوا القتيل تهمه مع ان حتى التهمه اللى بيلبسوها للقتيل ماتديش الحق لحد يقتله والاجمل كمان ان تلاقى الحكومه بتدارى على الغلط بسذاجه وكأن الناس اللى بتسمع عبيطه ورغم كده هم عارفين ان اللى هيقول كلمه واحده او هيعترض هيتبهدل ويمكن يتقتل عادى بقى ماحنا بقينا ارخص من اى حاجه يعنى موتوسيكل لظابط يتحرق فى اشتباك مع باعه جائلين يقبضوا على 30 بائع ويحبسوهم وبيحققوا معاهم ومخبرين متهمين بقتل شاب وبدون اى ذنب يطلعوا براءه فى ساعتها وكمان بيكوسوها عشان تبقى ولا كأن حاجه حصلت انا عارف ان كل ده يمكن ماحدش يقراه لانه مقال مش سؤال بس الواحد زهق وبيفضفض شويه لان الواحد وصل لمرحله خلاص اصبحت امنيتى فى الحياه انى اهج من مصر مش عشان بلدنا وحشه لا لاننا بقينا فعلا وحشين حتى مع نفسنا وماحدش بيراعى ربنا فى تعاملاته ويمكن حد يقولى مانت هتتبهدل بره والناس بره فيهم اللى بيكرهنا هقولهم عالاقل هابقى عارف انى غريب على اى بلد ولو حد كرهنى ولا حبنى هو حر انما هنا فى بلدى احنا ليه بقينا بنكره بعض ومش طايقين بعض وكله بيبهدل فى كله احنا الشعب الوحيد اللى بنتبهدل بره وجوه ولا عارفين ناخد حقنا هنا ولا بره واى حد بياخد كل حاجه بره وجوه عندنا طبعا لاننا الام والاخت الكبرى لكل اللى بره انما للشعب احنا زوجة الاب وزوجه وحشه وحشه جدا جدا جدا وهرجع واقول قال تعالى (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ) وطبعا احنا عمرنا ما هنغير حاجه يبقى لنا الله يفرجها من عنده وعذرا للاطاله ولو جرالى حاجه عادى واحد فضفض شويه والكلام ماعجبش ناس فقالوا يخلصوا منى ماهو الواحد مابقاش يضمن حاجه فى الزمن ده والحمد لله على كل شيء

[اسماعيل محمد عبد العزيز]

انت اصبحت مثل اعلى لكثير من الشباب وانا منهم
سؤالى يا استاذ ما هو دور برنامج واحد من الناس
فى ازمة الثقة بين الناس والنظام اتمنى ان تضع
الموضوع فى اهتمامك الناس اصبحت لا تثق فى
النظام تماما لاسباب منها التزوير والفساد والفقر
والنظام يعتبر انة انجز ما لا يمكن انجازة المطلوب
حل المعادلة السابقة معادلة صعبة

[hassan2050]

يا استاذ عمرو لامتى الواحد هيبقى تعبان نفسيا
الشباب مش لاقية شغل
وحضرتك بتوفر شغل بس مش مكفى الشباب ولا لكل التخصصات
يعنى انا اداب جغرافيا
والمفروض ان انا مساح بس كل ما اروح لشغل يقولى عاوزين خبرة
هههههههههههه
مفيش حد بيشتغل ويقولى عاوز خبرة يعنى هجيبها منين
لما محدش راضى يشغلنى
وياريت يا استاذ عمرو توفر فرص شغل لكل التخصصات

وربنا يجعلك سبب فى اسعاد الناس

شكرا لك
اتمنى الرد عليا

[mramy69]

فرص عمل
اللى من الاقصر

[القناص المصرى]

تحيه طيبه للاستاذ المحترم عمرو الليثى
انا ليا اقتراح : اتمنى زى ما حضرتك بتستضيف فى برنامجك الشخصى ممثلين ولاعبين كوره ومفكرين
الخ...
ان تستضيف افراد من الطبقه المتوسطه او اقل ... لان بينهم من هو يملك افكار رائعه لتحسين العيش
ولكن لا احد يعلم عنه شىء..وايضا معرفه اراء هذه الفئه من المجتمع السياسيه ( ماذا يردون من الحكومه المصرى - الصوره التى يحلموا ان يروا عليها بلدهم وهكذا )

[mohamedyahia]

بسم الله الرحمن الرحيم
السيد الفاضل: عمرو الليثى المقاتل القدير من أجل الأخرين . بعد السلام إليك والتحية ...
ممكن لسيادتكم أن تستضيف السيد الأستاذ /حمدى خليفة نقيب المحامين فحلقة مستقلة
وأيضاً السيد المستشار / أحمد الزند رئيس نادى القضاه لكى يوضحوا لنا فى برنامجك الرائع واحد من الناس موضوع النزاع القائم بينهم اليوم من أحداث . لأننا نثقك بك وبقدرتك الرائعة كمقدم برامج ومذيع ومحاور وغير ذلك من مهارات رائعة لكى تتضح لنا عن طريق برنامجك الصورة واضحة . والله الموفق ويعينك الله على أداء رسالتك وكم أنا أشتاق لرؤيتك أكيد فيوم ما .
أمضاء : محب للأخ عمرو الليثى

[mohamedyahia]

أحب وأن أهنئك بجميع برامجك الرائعة وأيضاً بجائزة اليونسكو وأنك حقاً تستحقها يا أستاذنا الجليل.
هل لك وأن تستضيف النجم عمرو دياب فى برنامجك واحد من الناس .
والله يعنك على الخير دائماً

[abokarim]

بسم الله الرحمن الرحيم
مع كل الحلقات التي اذيعت عن العشوائيات والفساد المستشري في مصر كالسرطان لم اجد مسئول يحاكم او يسأل وكأنها عزبه الباشا ولم اجد اي استجواب لاي حرامي في مصر ولكن رأينا قتل وتعذيب في الاقسام والسجون للضعفاء والمساكين حاجه تحزن جدا فحم كتير ومافيش شوي وكلام كتير ومافيش نتيجه وانا شايف الحل بسيط جدا هو ثوره شعب عاوز يغير ويتغير

[اسامه محسن]

السلام عليكم ورحمة الله وبركاته
الاستاذ/ عمرو
بخصوص مياه الشرب المنطقه التى لم تزعر او تحس بقلق على مياه النيل
هى منطقه /منشيه الجبل الاصفر _ المرج قليوبيه لعدم وجود مياه نيل من اساسه
تمر من مواسير ميائها فهل يصح ان تكون قريه بجانبها على بعد 1 كيلو وبها محطه معالجه مياه شرب
ولم تستفاد منها هذه القريه ونحن لا نعرف طعم المياه وتتوارث بنا الامراض واحد يلو الاخر
اهذا هو حقنا فى الحياه ان نهدر نعمه الصحه التى انعمنا بها الله ونرضى بشرب مياه
غير صالحه للاستخدام انحن اقل من ان نشرب مياه نظيفه ليس بهذا فقط فجاءت المفاجأه ..الكبرى
والتى اصدمت بها منطقه المنشيه بأكملها وجد ان مواسير الصرف الصحى بالارض قد حدث بها
شرخ ادى الى اختلاط المياه الشرب الغير صالحه مع مياه الصرف فنحن لا نفرق شئ عن اخواننا
فى الصومال نحن فى بلد حضارى ومسؤلينها لا يفعلون شئ ويعلمون بهذا ولا يتحركون فهم
يشربون المياه المعدنيه لانهم يعرفون خطورة المياه عليهم فنحن مقدار مالنا نصرفه على تطهير
الخزان فلا يوجد مياه نظيفه بالمكان ولا يوجد صرف صحى فنحن لا وجود لنا على خريطه مصر
وانا اتكلم بأسم بلده المنشيه بأكملها لان لا جدوى من شكوانا لان لا يوجد مسؤل يتعاون معنا
* فأتمنى ان تكون اداره البرنامج هى المسؤل عنا ونحن خالص لكم بجزيل الشكر والاحترام*
[gdwl]اتمنى بزياره الاستاذ / عمرو لان عيناه ستبكى عندما يرى الاحياء يشربون مياه لا تصلح للاموات[/gdwl] مقدمه لسيادتكم عن الاهالى / اسامه محسن
منشيه الجبل الاصفر _المرج قليوبيه
بريد اليكترونى /[email protected]

[kindhero23]

السلام عليكم
نحن اسرة من ثمانية افراد وكان والدى رحمه الله معار بالكويت مدرس لغة عربية لمدة اربع سنوات من عام 95 الى عام 99 وكان له الف دينار كويتى بدل تاثيث سكن ورفع قضية ضد سفير الكويت عام2001 وكسبها وبعدها مرض بتليف كبدى وصرفنا علي مرضه كل مانملك ومات ونحن فى اشد الاحتياج لهذا المبلغ وكسبنا القضية ومش عارفين ننفذ الحكم لاكثر من تسع سنوات واعطينا القضية لاكثر من محامى لدرجة ان محامى كان يعمل بالكويت واخذاوراق القضيةمعه الكويت وما عرفش ينفذ واحنا خايفين لحسن يسقط الحكم لو مر عليها اكثر من15 سنة اغيثونا اغاثكم الله وجعله فى ميزان حسناتكم
ملحوظة المبلغ له ارباح 4فى المائة عن كل عام
وذهبنا لسفارة الكويت اكثر من مرة والمستشار القانونى بالسفارة رفض مقابلتنا