رش البوليستر وصاروخ الخشب مثلث الرعب فى دمياط

[domyat]

واضح ياسر علاء انك لم تقرا كلامى كويس انا لم اقصد خراب بيوت و لا غلق ورش ان حددت اهدافى فى الكلام التالى ياريت تقراه ثانى و قول رايك فى ايه لو سمحت :

احنا ماقولناش حاجة بس الحلول كالاتى:
1)تفعيل دور مكتب العمل لتحديد موعد لغلق الورش وليكن 10 صيفا و 9 شتاءا
2) اخراج مكينات الشق وورش البوليستر وورش النجارة خارج الكتلة السكنية وليكن انشاء مجمجع صناعى فى شطا يضم هذه الورش
3) اخراج ورش الرخام من المدينة لانها اكبر خط و عمل مجمع صناعى لها
4) ورش الرخام و البوليستر و الصاروخ ومكن الشق اخطر من اجريوم بكتير و ياريت حضرتك تسال فى شئون البيئة بدمياط عشان تعرف معدلات التلوث داخل المدينة و ياريت كمان تروح مستشفى الصدر و تعرف اعداد المصابين بالصدر و الدرن و اسبابه و بالمرة زيارة لمدينة الشعراء ..

حضرتك بتقول ان دى طبيعة دمياط و الكلام ده من زمان ...مع احترامى الكلام ده مش صحيح
زمان كان فى مواعيد لفتح و غلق الورش وكانت محترمة لان كان فى احترام للقانون
ولم يكن موجود صاروخ تنعيم الخشب و لكن كانت الالات اليدوية هى المستخدمة

امال ايه اللى حصل .... اللى حصل ان بقى فى موظفين مرتشين فى مكتب العمل والبيئة و المجلس المحلى و غيره والناس بقت تستحل المال الحرام و كله ماشى اصل العيال عايزه تاكل و يطلع حضرتك عشان تبرر معالجة الفساد و ان ده قطع عيش و كلام كتير يدل على ضعفنا فى ادارة الازمات وووسلام