سألت النيل عليكى
فقال الأسم مصر
بجرى على ارضها
ف كل زمان وعصر
وشفت كتير عليها
ما بين نكسه ونصر
وفيها الحال تناقض
مابين عشه وقصر
العشه ليها ناسها
والقصر ليه اسياده
الأول راضى حاله
علشان يربى ولاده
والتانى سن سنانه
علشان ينهش بلاده
ومهما رفضنا مصر
هتفضل بيت وقصر
مملوكله للى مالك
وفلوسه مالها حصر
وعايشه العمر تايهه
مابين عشه وقصر
ولكنك لسه عايشه !!!
عجبى عليكى يا مصر
انا مصـــــــرى