بسم الله و الصلاة و السلام على رسول الله
السلام عليكم ورحمة الله وبركاته
نحاول بس اننا نتناول الموضوع بشكل موضوعى و منطقى ...
اولاً:- المصمع منشاً من سنة 1928 و حسب معلوماتى انه لما اتنبنى المصنع فى الوقت دا ما كامنش منطقة سكانية ... بمعنى انه حصل زحف سكانى على موقع الشركة ... و لما تيجى تشوف البيوت التى اتبمت حوالين الشركة هتلاقى 99% منها غير مرخص و بالتالى فا وجود البيوت اللى حوالين موقع الشركة هو اللى مخالف و ان اللى بنوا راحوا جنب الضرر دا لو افترضنا ان فيه ضرر اساساً ....
ثانياً:- الاستاذ عمرو الليثى راجل صحفى محترم و لا يخشى فى الحق لومة لائم و انه دائماً بيسعى جاهداً انه يوقف جنب الناس الغلابة بمجرد ما يوصله نداء استغاثة ... و دى حاجة سهلة .. طب اذا كان الموضوع اللى اثاره موثق بدلائل و براهين ... طب ليه معرضش الدلائل ديه
ثالثاً:- كل الناس اللى جابها فى البرنامج مافيهاش ولا واحد بيشتغل او ليه حد قريبه بيشتغل فى المصنع ... و دول نوعين النوع الاول اللى احنا ذكرناه و النوع التانى اللى كان نفسة يشتغل او يشغل حد من قاريبه لكن معرفش فا بداأ يهاجم ... لكن ما اعتقدش انه فيه حد بيشتغل فى المصنع ان يقطع عيش نفسه او ليه حد قريبه بيشتغل فى المصنع انه يقطع عيش قريبه
رابعاً:- اشمعنى موضوع البيئة يدوب مثار اليومين دول .. ما هى الفضائيات اللى بتهاجم كتيرة قوى و تتمنى جنازة و تشبع فيها صفع على الخدود
خامساً :- و دا عشان اكون بريت ذمتى امام الله انى حاسس ان فيه ايد خفيه ورا اللى بيحصل دا ... و ان فيه ناس بتحاول انها تقفل المصنع عشان يتباع اصوله لناس هاتستفيد من وراه مليارات نظراً لموقعه الجغرافى الممتاز اللى بيتوسط المدينة و كمان بيطل على النيل فا طبعا موقع محدش يحلم بيه لبناء منتجعات و فيلات هاتشتكوا من زبالتها اللى بتترمى عليكم بعد كده و تتمنوا تشموا ريحة الكبريت مش هتلاقوه
و شكراًًً
شـكــ وبارك الله فيك ـــرا لك ... لك مني أجمل تحية .
|