(1) ليه كل يوم يامصر فيك الفساد بيزيد؟
ليه يبقى فيك إحتكار للميه والهوا والحديد؟
لأننا جبنات ، وعالغلط ساكتين.
لأننا خايفين وبنقول للجلادين: هل من مزيد.
وعجبي!!!
(2)مافيش حاجة في مصر إسمها رؤية مستقبلية.
ولاأي حد عارف على فين وخدانا الحكومة الإلكترونية.
كلام جميل ومالوهش مثيل.
وفي النهاية الحالة هيه هيه.
وعجبي!!!
(3)نص المصريين جعانين.
وتلت تربع المصريين عيانين.
وكل المصريين مهمومين.
كشفت راسي ودعيت عليكم- ياكل المسئولين.
وعجبي!!!