(1) إلى زعيم الأغلبية وأقدم برلماني في العالم -رحمه الله-:
ياسعادة البيه .
ياللي كنت بتاخد .
كل اللي بتشور عليه.
طلعت منها منفض.
أخدت إيه!!!
وعجبي!!!
(2) فيه ناس في مصر بتطفح الكوتة ومش عارفة تعيش.
وناس تانية في ثانية تبقى مليونيرات من مفيش.
عجبي عليكي يامصر ياللي خيرك يملى الكون ويفيض.
الحرامية فيك مهيصين ومزقططين، والشعب مش عارف يعيش .
وعجبي!!!
(3) بقالنا تلاتين سنة بنتحكم بقانون الطوارئ.
يعني جيل بحاله بتعامل على إنه مجرم وإرهابي وسارق.
لحد إمتى يامصري هاترضى بالذل والفساد والاستعباد.
ياإماتعيش بكرامة ياإماتموت ، معاتش فارق.
وعجبي!!!