أمى حبيبتى قلبى باعتلك
ألف تحيه وألف سلام
أنا فى الغربه ماليش غير سيرتك
أنا على سيرتك بصحى وأنام
جنب سريرى أنا شايل صورتك
لاجل ما اشوفك فى الأحلام
مين قال عيد الأم اليوم دا
عيد الأم دا طول العام
طعم الدنيا ايه كان يبقى
لو ياحبيبتى منتش فيها
انتى وجودك أكبر نعمه
انتى وجودك بيحليها
طيبتك نادره ومش معقوله
انتى فى نظرى الأم الأولى
أما بتدى بحب بتدى
وان يوم خدتى بتبقى خجوله
قلبى يا أمى بحبك هام
نفسى ف وصفك الاقى كلام
ياللى لأمى عملتم عيد
أمى أنا عيدها ملوش مواعيد
أنا عيد أمى تملى بيبدأ
كل ما يبدأ صبح جديد
دى اللى شالتنى ف عز هوانى
وهبت كل حياتها عشانى
دى اللى بكل رضاها اتمنت
لو داء صابنى تبقى مكانى
يبقى ازاى يوم واحد عيدها
يبقى ازاى مش طول العام