[سحر]

طبعا كلنا يعلم العلاقه بين الزوجه والحماه اد ايه فى معظم البيوت علاقه متوتره كلها مشاكل ونكد وعقد وساعات بتوصل للطلاق طبعا كلنا بنفتكر افلام مارى منيب وميمى شكيب عن الحماوات ونقول ايه اللى بيعلموه ممكن توصل لخراب البيوت اه ممكن توصل
عشان كده انا عاوزه اعرض وجهت نظر الاتنين ليه ساعات بتوصل لخراب البيوت وليه الصراع الازلى بينهم على مر الازمنه
1|الحماه.......
وهيا الام اللى بتشوف انى هيا كبرت وربت وسهرت وتعبت وساعات لبعض الامهات لما ابنها يكبر لسه بتشوف انه لسه صغير من حقها تدخل فى حياته يعنى تختار الزوجه اللى هيا شايفها انه من حقهاانه تختار مرات ابنها ولو هوا اختار فى معظم الحالات تبقى فيه مشاكل كتير كل حاجه مش بتبقى عجبها فى مرات ابنها عشان مش ناوت عينهاتحاول ترضيها بس هيا مش تنفع برده هيا مش عجبها
السبب التانى
انها ممكن مش بتخلف وممكن تكون هيا اللى اختارتهابس تجى للسبب ده تحاول فى الاول تنكد على الزوجه وتقعد تقول انا بنتى حملت من اول شهرولا مش قعدت سنه وحملت كانى ربنا مش هوا السبب وان المراه فى ايديها موضوع الحمل مش ربنا تبدا مع الابن احنا لازم نجوزك الاولاد عزوه ربنا بيقول المال والبنون ونسيت كسر قلب انسانه كل سببها انى هيا مش بتخلف او اتاخرت شويهالسبب التالت
ان الام بتحب تتدخل فى كل صغيره وكبيره فى البيت مفيش خصوصيه حتى فى ملح الاكل اه ملح الاكل وتنسى ان فيه ناس ساعات تحبه حادق وناس بتحبه دلع وتبدا المشاكل
السبب الرابع
ان بعض الامهات بتربى ابنها واتعوده انه لازم يكون شديد مع زوجته بدون اى سبب
يعنى مثلا يعنى مثلا لو تعبانه الزوجه شويه ومش خلصت شغل البيت تبقى كارثه انتى مدلعه وممكن يضربها اتربى على كده لانه كان بيضرب اخوته لان امه عاودته اكسر للبنت ضلع يطلع ليه اربعه وعشرين وطبعا تبقى مع ابنها فى انه بيضرب مراته وتشجعه وتبدا المشاكل
السبب الخامس
ان فيه بعض الامهات بتغير على ابنها من مراته يعنى مثلا لو هوا مش اتصل بيها فى التليفون يوم او اتاخر فى زيارتها تقعد تقول عليه ياتراى قالت له ايه عليا خدته منى وتبدا المشاكل
نشو ف بقا الزوجه
الزوجه بتنظر للموضوع ازاى
انا اختارت الشخص اللى يكون جوزىوهاعيش فى بيتى لازم تكون حياتى مستقله وطبعا حق اى حد
نشوف اللى هايحصل
السبب الاول اى مشكله لازم تكبرها وتحكى لامها وابوها وهوا كمان بيعمل كده بس نسيو شى مهم ان الاهل مش بينسواممكن تتصالح مع زوجها ويعيشوا كويسين بعد اى مشكله بس الاهل يصفوا بس مش بينسو طيب يبقى الاحسن مشاكلى مع زوجى تبقى بينا وبين بعض عشان احنا اللى هانقدر نواجه مشاكلنا بانفسنا البسيطه على الاقل
السبب التانى
انا عاوزه اعيش حياه مستقله امك بتتدخل فى كل حاجه ممكن تبقى حاجات بسيطه بس ازاى بقا ما انتى ممكن تعتبريها زى مامتك ايه يعنى وخلى المركب تمشى
ودى معظم المشاكل اللى بتقابل الزوجه والحماه
الحل لازم يطبق
اعتبرى يا ام زوجه ابنك زى بنتك وانتى يازوجه الابن اعتبريها زى مامتك واللى مش ترضيه على بنتك مش ترضيه على زوجه ابنك
وانتى يازوجه.
1. ابعدى تماماً عن نقد الحماة أو جعل أحد آرائها سبب للنقاش بينك وبين زوجك.
2. حاولى أن تأخذى رأى حماتك فى بعض شئون المنزل، وتشعرها بأن رأيها له أهمية فى نجاح المنزل وتثنى على تصرفاتها.
3. لابد أن تتحلى بالذكاء الاجتماعى، الذى يمكنك من إدارة هذا الصراع والانتصار فيه، بل أن يكون لها دور فعال فى إدارة هذا المنزل، وذلك دون أن يشعر الزوج ووالدته.
4. لابد أن تتحلى بالصبر وطولة البال، ولا تهاجمى آراء الزوج، خاصة أنه من المحتمل أن تكون مستقاة من أحد المقربين، الذين يعتز برأيهم مثل أخته أو خالته او امه أو أحد الأصدقاء.
5. يستحسن أنا الا تناقشى زوجك أثناء الانفعال أو الغضب.
6. إذا انتقدت حماتك أحد تصرفاتك ، خاصة فى تربية الأولاد أو طريقة ملابسهم، لابد أن تتحلى بالكياسة وحسن التصرف، و"تمشى" ما تراه صواباً دون الدخول إلى مناطق محظورة، مثل حوار مع الحماة أو انتقاد رأيها.
7. اعملى على كسب المعركة دون عنف، وتهدف إلى تعلم مهارات حل الخلافات الاجتماعية، لأن مصلحتها ومصلحة الأسرة كلها فى تخطى المشكلات وكسب ثقة الجميع الذين لهم دور فى تشكيل فكر الزوج.
وأخيرا ًإذا كان الأمر يبدو لكى صعباً ويمثل ضغطاً نفسياً عليك، فلابد أن تأخذى فى حساباتك أن الهدف يستحق
وانا عارفه انى وجهت نصايح للزوجه اكتر من الحماه لانها هيا ممكن تدرك بعقليتها وتقدر تغير الوضع لانها فكرها متتطور اكتر من امراه عندها فوق الخمسين تبرمجت على حياه معينه