رباعيات في حب الوطن
 

(1) في بلدنا الغلابة مالهومش صوت.
وحلم الأمل في بكرة جواهم بموت.
الظلم والفساد والاستبداد مسودين حياتهم.
طالما راضيين ومش عاملين حاجة غير السكوت.
وعجبي!!!
(2) يعني إيه إن احنا نقاطع الإنتخابات؟
يعني إيه بكيلو لحمة وبطانية أوورقة بمية بنبيع الأصوات؟
يبقى كل اللي بجرى لنا حلال.
من فساد وقمع واستبداد وإعتقالات.
وعجبي!!!
(3) لما كلنا نهج ونسيب البلد للمحتكرين والمنتفعين.
لما كلنا نيأس ونسيب صناديق الإنتخابات للمزورين.
يبقى نستاهل نعيش في بلدنا كما العبيد.
لأننا جبنات وعا الغلط ساكتين.
وعجبي!!!

لما كلنا نهج ونسيب البلد للمحتكرين والمنتفعين.
لما كلنا نيأس ونسيب صناديق الإنتخابات للمزورين.
يبقى نستاهل نعيش في بلدنا كما العبيد.
مهو لو كنا حسينا اننا نقدر نعيش فيها مكنش حد هج
انا لو اتاحت ليا الفرصه اهج منها هج
ونروح بلد تانيه تقدرنا وتقدر تعبنا
دلوقتي الشباب بيخافو انهم يخلصوا الجامعه علشان عارفين الي فيها هيطلعوا مش هيلاقو شغل
عايشين هنا ومش عايشين
احلامنا وطموحاتنا معانا ومش قادرين نحققها
وربنا يستر علينا
شكل الواحد اخر مايزهق هيتنازل عن كل دا
وعمار يا بلدي

رباعيات جميلة فعلا

ربنا يكرمك شكرا على الموضوع

ربنا معانا بقي ليه تقليب المواجع بس