وداعا زعيم مصر
 

http://www.youtube.com/watch?v=kBsv1bRIlME

http://www.youtube.com/watch?v=BkI8pqCBRAE

للاسف الكل اتخلى عنه انا مبقولش كده لانى مؤيده للنظام لكن انا ببكى على الطريقة اللى طلعناه بيه وكان معندناش ادنى احترام للشخصية اللى على الاقل عيشتنا فى امان لمدة 30 سنة وياريت منتكلمش عليه بطريقة تهين ليه

وداعا ايها المتحكم فينا .. ان الله يمهل ولا يهمل من ظلم وطغيان وسلب ونهب
30 سنه من الاسي والفقر والظلم
وحكومته الظالمه يوم مروحت جمعه الغضب كانو بيعملونا زي العبيد .. اصابني القهر والفزع من اللي شوفته من الشرطه نظامها
ربنا ينتقم من الظلمه

عندك حق ياريهام هو مهما كان مصرى واب لك فرد فينا
تحيه لاعظم ظابط مصرى محمد حسنى مبارك
ربنا يعطيه الصحه ويكرمه

تبكين شخص ياريهام وتنسين خمسة وثمانين مليون شخص
عانوا ثلاثين عاما من الذل والهوان والقهر ... تؤلمهم بطونهم من الجوع .. وتتهاوى اجسادهم من المرض
ملاين صمت اذانهم وكبلت السنتهم ... سخروا جميعا للطاعه
الم يؤلمك هذا الشعب الصابر المغلوب على امره
شعب يعاني من الجوع والفقر والمرض ... ويرى امامه طبال اصبح عنده مليارات .. واخر كلن مصروفه من ابوه جنيهان في الشهر ... اصبح يملك المليارات هنا وهناك
ورب البيت ضارب الدف الذي تبكينه الان ... من اين هذه المليارات
انتظري قليلا سترين العجب مما كانوا يفعلوه في هذا البلد

نسيت اقولك ياريهام
ان عمرو دياب الامبراطور كما تقولين
سقط تماما كما سقط غيره ... يكفي انه في وقت عصيب تحتاج مصر فيه الى ابنائها
هرب سيادته الى دبي .. وقال كما قال امثاله ... شوية عيال وهايتلموا بسرعه

هذا الخطاب هو خطاب المسكنة الذى اشتهر به الطاغوت المخلوع
اولا هو جبلة كيف سيشعر ليصل الى هذه الحالة اصلا
و ان شاء الله ربنا مش حيحرمه و هذه الاشاعة ستصبح حقيقة
و ما حدث لشارون سيحدث لمبارك الجبان عميل الامريكان

هذا الخطاب هو خطاب المسكنة الذى اشتهر به الطاغوت المخلوع ....
بس اظن مش هيحتاج حاجه استعطفات والحجات دي لان مش هيرجع تاني للسلطه
بس اهي بتبقي اشاعات وبتنقل
وموضوع موته اكلينيكيا قالها الاستاذ ابراهيم عيسي واتحبس
وطلع الموضوع اشاعه وكان مستني يتخلع من الحكم عشان يموت دي
ولو حصل ده ربنا يشفيه ويتوب الي الله ويرجع حقوق الناس

ومحدش يعرف هو موجود فين ان كان شرم او غيرها ولو حد موجود محدش هيطلع سر من هناك ..
الا بقي اللي يقول حاجه زي مقرب جدا جدا جدا من الاسره

وزي خناقه جمال وعلاء يعني اللي قالها كان بيسلكهم عن بعض ولا قاعد معاهم اهي
اشاعات وبتنتشر

انا مش ببكى حد لاننى لا اعرف مستقبلى سوف يكون هادى ملئ بالفرح ام لا لمنى بحب الاحترام عشان لما نتكلم لازم نحترم اللى بنكلموا حتى لو كان طاغى كما تقولون انا مش ضد الثورة بالعكس انا اتظلمت من واحد يستخدم سلطته وجبروته لكن فى النهايه هو حر طليق ليس عليه سلطان وعلى فكرة هو مش ضمن الحيتان المحبسوين او الكبار فى القاهرة ولكن فى محافظة تانية محافظها مبيعملش اى حاجة بس على فكرة معظم الشعب المصرى منافق يعنى معاهم معاهم عليهم عليهم خلاص يا جماعة اللى عايزينه حصل ادونوا فرصة نرجع زى ما كنه بلد متقدم نفس انتاجنا يفوق امريكا واسرائيل

على فكرة كل التخلف والجهل اللى احنا فيه سببه الاساسى اننا بعدنا عن دينا كما يقولون من اعمالكم سلط عليكم ربنا مكنش عاجز انه يرسل شخص مخلص يتقدم بمصر للامام لكن مفيش بلد شبابها سهران على النت طول اليوم ومش بيذاكر هيتقدم مفيش بلد بناتها بتلبس ضيق ولطه من الدوكو على وشها ما يلفت نظر الشباب هتتقدم . الحقيقة اللى ذلنا هما احنا احنا اللى ذلنا نفسنا بنفسا احنا اللى خلينا الغرب يدخلوا فى دينا من غير ميعرفوا بنلبس طرحه طولها لغاية الرقابة ونقول انا محجبة دة مش معناه انى بحتقر او بقلل من قيمة المسيحية بس لكل دين رسالة واحنا رسالة دينا تحض على الفضيلةز يا ريت محدش يزعل منى

هل نفهم من هذا انك اعترفتى انه ليس مخلصا اقصد خادم اللصوص الانجاس اسرائيل و امريكا

انا معك اختي الكريمه ما كنت اتمنى للرئيس مبارك هزه النهايه
يمكن احنا لا نكره الرئيس لاننا لم نعاني من الظلم والجوع واهدار الكرامه وفي قلوبنا رحمه وشفقه ولكن غيرنا حيقول كيف نرحم ما لم يرحمنا
ولكن بعد مرور هزه الايام على تنحي الرئيس وبعد ما نراه في الدول العربيه وما يحدث فيها اقول ان خروجه بهزه الطريقه منتهى الكرامه والعزه له ولنا الشعب المصري وانه لن يكون في الامكان افضل مما كان
واسأل الله له المغفره وان يلهمه طريق الرجوع اليه والتكفير عن تقصيره في حقوق الشعب سواء كان عن علم منه او غفله فالله وحده الاعلم بما في قلوب العباد واسال الله العظيم ان يولي امور بلادنا لخيارنا ويكفينا شر الفتن والاطماع