الموقع الرسمي للاعلامي الدكتور عمرو الليثي

الموقع الرسمي للاعلامي الدكتور عمرو الليثي (http://amrellissy.com/vb/index.php)
-   أقلام الاعضاء (http://amrellissy.com/vb/forumdisplay.php?f=24)
-   -   فجر جديد (http://amrellissy.com/vb/showthread.php?t=22085)

سامى النويهى 03-13-2011 05:00 PM

فجر جديد
 
يــــــــــــاجموع الشعب المصرية
مصر بتتنفس حــــــــــــــــــــرية
والأرض بتتـــــــــكلم مصـــــرى
وبتدى دروس فــــى الـــــــوطنية

الله ع المصـــرى واصـــــــراره
الله علــــــــى قـــــــوة أحــــراره
والكـــــــون بيتابـــــــــــع أخباره
مبهور بــــــــــــــــالثورة الشعبية

العالم واقف فــــــى مكانـــــــــــه
نسى جنسه واسمه وعنـــــوانــــه
مع فرح المصرى وأحـــــــــزانه
بيردد تحيـــــــــــا الحـــــريــــــة

مصر يــــــاحلاوتها يـــــامحلاها
حلوانى صحيح اللـــــــى بنــــاها
واختـــــارها ربنـــــا وحبــــــاها
بــــالنيل والشمس وبـــــــــــالميه

الفجـــــر جـــــــــــديد هل علينا
ومفيش ولا عيد ح يعدينــــــــــا
وح نــــــــاكل من كد ايـــــــدينا
وح نلغى عقــــــــــــــود التبعية

ح نعمّر مصر ونبنيهــــــــــــــا
و نــــــــــــــدافع عنها ونحميها
ونصون كـــــــــرامتها ونفديها
وحياتنا عشان مصر هديــــــة

المصرى اللـــــــى محدش أده
شال ايده خلاص من على خده
وح يصنع وح يــــزرع أرضه
وح يـــــــدخل تــــــــالت ألفية

محنش ح نضيّع ولا ثـــــــانية
وح تبقى الأولـــــى مش التانية
وح تــــــرجع تـــــانى أم الدنيا
ولحضن الأمــــــــــــة العربية


الساعة الآن 11:23 AM.

Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المشاركات والمواضيع بالمنتدى تعبر عن وجهة نظر كاتبها ولا تعبر بالضرورة عن وجهه نظر الموقع
الموقع برعاية الشركة المصرية لتطبيقات الانترنت