![]() |
حل سريع ومقنع لقيادة البلد ارجو الاهتمام
ياجماعة انا شايف الوضع ماشى في البلد ثلاث فرق
المجلس العسكرى - 1 شباب الثورة وحزب الكنبة معا- 2 3 -الاخوان والسلفيين 1- المجلس عنيد ومخه تخين وذمته مش نضيفه ومع ذلك وافقنا عليه لكن سوء نيته فى تعطيل الاخوان والسلفيين عن مجلس الشعب وضرب النار على المستضعفين فى مصر يوم السبت جعل شباب الثورة وأى حد غيور على بلده انه ينزل ويقوله لأ فنزل معاهم حزب الكنبة . 2- الإخوان والسلفيين فاهمين اللعبة وعايزين يفوتوا الفرصة عن المجلس ويطلعوا للأمام ويمسكوا مجلس الشعب والبلد تأخذ فى الاستقرار منطق برضه... علشان كده رافضين النزول ضد المجلس مع التحفظ على عنف العسكرى ومحاسبته بس مش دلوقتى . 3- أما شباب الثورة وحزب الكنبة هيصمموا على رحيل المجلس برمته وللأسف أيضا الحكومة لضعفها انتقاماالعنف الذى بدر من المجلس العسكرى وبرضه معاهم حق. طب ايه السيناريو اللى هيحصل المجلس العسكرى هيمتص الشعب ويقيل الحكومة ثم تأجيل الانتخابات فبالتالى ينزل الاخوان والسلفيين لانهم مش هيبقوا على حاجة فيتم رحيل المجلس العسكرى . طب وبعدين ......, هتبقى البلد من غير حكومة ومن غير ريس ينفع ؟ طبعاً لأ والأحزاب والشباب والاخوان والسلفيون وحزب الكنبة مش هيتفقوا لا على ريس ولا حتى حكومة طب نعمل ايه لدى فكرة وياريت حد يقراها ويهتم بيها حكومة شرف ضعيفة بس حسنة النية والمجلس العسكرى نيته وحشه وايده ملوثة بالدم نقوم نخلى الحكومة زى ماهى لتسيير الأعمال منعا لحدوث الفوضى ونشوف حد يمسك البلد طب مين؟ انا شايف ان مفيش شخص يقدر يمسك البلد لأن الكل هيختلف عليه طب مفيش اى جهة مؤسسة نظيفة تلتزم بجدول زمنى وعدم إصدار قرارات عنف ضد المتظاهرين غير """ مشيخة الأزهر """ كممثل شرفى ومحترم فقط ليس إلا أرجو التوافق من الجميع لحين اجراء الانتخابات وانتهاء حكومة تسيير الاعمال وانتخاب رئيس بجد أرجو النشر للتوضيح ونشر الوعى |
الساعة الآن 10:30 PM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المشاركات والمواضيع بالمنتدى تعبر عن وجهة نظر كاتبها ولا تعبر بالضرورة عن وجهه نظر الموقع
الموقع برعاية الشركة المصرية لتطبيقات الانترنت