الموقع الرسمي للاعلامي الدكتور عمرو الليثي

الموقع الرسمي للاعلامي الدكتور عمرو الليثي (http://amrellissy.com/vb/index.php)
-   أقلام الاعضاء (http://amrellissy.com/vb/forumdisplay.php?f=24)
-   -   شايفها كده (http://amrellissy.com/vb/showthread.php?t=21026)

THE MAJEC 01-13-2011 07:59 PM

شايفها كده
 
السلام عليكم

احمد : ازيك

محمد : الحمد لله تمام وانت ايه اخبارك

احمد : اهى ماشيه يلا نقول الحمد لله

محمد : مالك ياحمد شايفك مش مبسوط

احمد : هوا ايه موجود فى البلد يبسط

محمد : ايه ياعم الكلام ده تعالى نروح لمحمود نقعد معاه شويه ونكمل كلامنا هناك


احمد : ازيك يا حوده فينك يابنى مش باين خالص

محمود : ازيك ياحمد والله ياعم مبخرج خالص من الداسه للبيت للنوم

وانت يامحمد ايه اخبارك يا ريس

محمد : تمام والله يامحمود ميه ميه

محمود : دايما يا صحبى

محمد : نكمل موضوعنا ياحمد

محمود : موضوع ايه ده مش فاهم حاجه

محمد :هتفهم دلوقت

كنت بتقول ياحمد ان مفيش حاجه فى البلد تبسط خالص

محمود : هوبا كلام فى السياسه تعالى ياعم نغير الموضوع ده وبلاش كلام فى السياسه

محمد : اصبر بس يا محمود اصل الكلام ده مش كلام احمد وبس دا كلام ناس كتيره

احمد ممكن تقولى زى ايه كده فى البلد مش يبسط

احمد : عد يا سيدى ميه ملوثه بنشربها واكل فاسد ومسرطن وطوابير العيش دى والوسطه والكوسه

والمحسوبيه ومبقاش فيه اخلاق واعلام فاسد ضيعنا معاهوارمينا فى حضن عدونا وبنتضرب وبنتشتم

وعايشين عبيد ولسه حجات كتيره


محمد : بص يا احمد عندك حق ان فيه حجات كتيره فى البلد مش كويسه وبرده فيه حجات فى البلد حلوة

احمد : بس الوحش غطى على الحلو لما الحلو بقى مش باين

محمد : عارف ياحمد ايه مشكلتنا اننا انا وانت ومحمود وغيرنا من الشباب السبب

محمود : انا السبب فى ايه ان شاء الله

محمد : السبب ان احنا الشباب بقينا مهمشين فكريا وعقلانيه وبقينا سلبين ومفيش ايجابيه

حد فينا بيشوف الغلط وبنسكت وسعات احنا نفسنا بنعمل الغلط ده علشان مصالحنا تمشى

لو كل واحد فينا بص لنفسه وخلاه ايجابى ولو لمرة ايجابيه مش كلام ايجابيه مش كلام افلام وجرايد ونضحك

بيه على نفسنا ولو كل واحد فينا التزم باخلاق دينه مصر هتتغير بجد هتتغير بينا لاننا احنا الشباب

والتغير على ايدينا احنا ومننا احنا


ويلا يا محمود انت واحمد نبدا بنفسنا وكل اسبوع نتعلم خلق جديد ونحاول نطبقه فى حياتنا اليوميه ونشوف


هنغير ولالا بدل منكسر ونولع فى بلدنا






رونى الشاعر 01-13-2011 08:18 PM

كيف تعتقد ان الفرد يكون ايجابى ؟ ان عايز كلام حقيقى ومش شعارات كلنا عايزين نبقى ايجابين اخلاق ومتربين ومليش دعوه بالناس التانين ونفسنا نشتغل كما يصح وليه ندخل اصلن كليه لو مفيش تعيين لها لاتعلم وايه الى تعلمت حفظ وحفظ و لو انا اشتغلت اى شغلانا كما سيحصل بعد التعين ولو بسيطه مش كان افضل كنت على الاقل اتعلمت شى مفيد احنا كنا قبل الكليه شباب جامدين بعد مدخلنا وتجكم الدكاتره ممنوع الكلام اتملوا واحنا مش فاهمين محدش يرد عليهم خانا سلبين منهم لله هما والمسئولينو احل حاجه فى البلادى الناس الطيبين صدقنى اخاف يجينى مرض يحتاج تكلفه لو 100.000جنيه ياترى هاشحت ده ا نا اموت اهون

شيرين 01-14-2011 02:20 AM

كلام جميل اننا نكون ايجابين بس انت شايف ظروف البلد ممكن يكون في فرد بس هل حيبان الفرد دة في وسط 80 مليون في الاكل الفاسد والة المياة الفاسدة والة الغلاء دة اظن انا الة يكون ايجابي اكتر ونطلب منو يكون ايجابي حد يكون مسئول يراعي ربنا في الشعب اظن لو اى مسئول اهتم شوية دة حيبان للشعب في الوظائف في كل شي بجد احنا جيل متحطم بكل معاني الطحتيم من كل شي ربنا يرحمنا جميعا احنا عيشين ميتين مش عيشين ربنا يجعلو في ميزان حسنتنا ربنا مع كل شاب

THE MAJEC 01-15-2011 12:36 AM

يعنى ايه الحل

رونى الشاعر 01-15-2011 11:38 PM

الحل دلوقتى نعمل مظاهرات يشترك فيها جميع الطوائف عمال طلبه والغلابه هو ده حل اكيد هيحل مشاكلنا يعنى
يمشى المسئولين وامثالهم يمكن بلدنا تنظف زى تونس والاردن منظفت


الساعة الآن 11:30 PM.

Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المشاركات والمواضيع بالمنتدى تعبر عن وجهة نظر كاتبها ولا تعبر بالضرورة عن وجهه نظر الموقع
الموقع برعاية الشركة المصرية لتطبيقات الانترنت