شوفي يابلدي كتبتلك ايه
 

ف يوم النصر
ف أكتوبر
ف شهر الصوم
على الجبهه
عشان خطرك ..
دفع مهرك
وسال دمى
على ترابك
وشوفته أبويه
ف منامى
يا مصر..
ف حضني
بتنامي
و غنيلك..
تغنى له
وبفرح جوه أحضنانك
فحبك مصر..
ضحينا
حدود الصعب ..
عدينا
وبسم الله وكبرنا
رفعنا الرايا بادينا
ف حبك مصر
بحور الشعر
ننساها
و بكتبلك على الأشواق
أنا المشتاق تضميني ..
أنا الشاعر ..
بحالة عشق فياضة
أنا نفسي أكون نيلك
و قنديلك
و انور لك أنا ليلك
أكون لحنك
و أغني لك
عن الأشواق
وعن عمرك
وعن شمسك
وعن قمرك
وع الأغصان
يا غصن زتون
حمام ابيض
تاريخ وحضاره جواكى
ياست الحسن
يا شيله الحزن من قلبي
و زراعه الحب جوانا
وحشتيني وأنا معاكى
أنادي لك
أنا جيلك
أنادي لك ..
تضميني
وتخدينى
تلاقيني ..
أنا في نيلك
وعديلك من الأهوال
وان طالت ..
هموم الدنيا
لو مالت على كتفك
اشيلها لك ..
وعديلك صعاب وصعاب
بحبك مصر وبقوه
يا نبض القلب من جوه
يا دم بيجري
في عروقي
كتبت لك
ومن شوقي
بحب في شعبك الطيبه
وروح النصر
بحبك مصر .
سوري ياجماعه قمت بتغير الموضوع الاساسي
بس الشعر دا حلو برضوا بس مش انا الي كتباه
كتبه شاعر معروف اعتقد ذلك

رائع يا رنا والله ، شكرا

احساس جميل لما نكتب عن بلدنا بهذا الاسلوب وبهذه الكلمات

شكرا جزيلا

ايه حكايه حب مصر دي