صور البنات بجوار اميلاتهم او على الفيس بوك والمنتديات والكاميراقضيه خطيرة!!
 

السلام عليكم ورحمه الله وبركاته

انهاردة حبيت اناقش معاكوا قضيه خطيرة من زمان ولكن انتشرت بشكل كبير
شبكه الانترنت كلنا نعرف انها مليئه بالاحداث ولكن الاغلبيه يستخدموها استخدام سيء

الموضوع يخص البنات كل بنت عندها اميل اجى ابص الاقيها حاطه صورتها جنب اميلها؟
علي الفيس بوك الاقيها عامله البوم صور وحاطه فيه صورها بل وصور شخصيه تستحي بنت محترمه توضعها؟
الكاميرا عادي تشغل الكاميرا لاى جد علي الرغم في حاجه اسمها برنت سكرين يعني ياخد صورة والكاميرا مفتوحه؟
على المنتديات حاطه صورتها صورة شخصيه وفرحانه؟

والمصيبه الكبري انى علي الفيس بوك حصلت لي صدفه ان جانى اضافه من بنت وببص لقتها بتقولي عايزة رصيد وافتحلك كاميرا والخ؟ موضوع كبير هفتحه معاكوا قريب للمناقشه؟ ببص علي البوم صورها لقيت صور لبنات محجبات للاسف الشديد قولت خليني للاخر معاها رغم انى عارف انها ولد عملت اميل باسم بنت واكلمت معاها

وفعلا طلع ولد المصيبه بقوله ليه حاطط صور بنات زي دول ملهمش ذنب انك تشرد صورهم قالي ما النت كله دة؟ وقدرت احصل منه علي الباص ورد الخاص بالاكونت بتاعه علي الفيس بوك ومسحت صور البنات كلها

والمصيبه شوفنا في حلقات للاستاذ وائل الابراشي صور وكليبات لناس متزوجات علي الانترنت وفي المواقع الاباحيه؟

موضوع كبير جدا بس انا حاولت اختصرة لكم

ونصيحه لكل بنت عدم وضع صورها علي جهازها من الاساس او ارسال صورها لحبيبهاوالخ

تحياتي
على الشامي

أزيك يا صديقى
 

ارى انه لا داعى اساسا لوضع الصور .. والدخول على الفيس بوك يكون فى الضرورة
كما اننى ارى انه ليس الصور فحسب .. لكن من الافضل استخدام اسماءحركية .. لاننا اليوم عن طريق الكمبيوتر ننفتح بصور كبيرة على العالم ولا ندرى من يطلب الصداقة ماذا يريد .. بل من الافضل عدم قبول الصدقات لانه كما ذكرت اخى الفاضل ممكن ان يتنكر الولد فى اميل بنت والعكس.



يا بنوتة يا شقية
اوعى تكونى غبية
وخليك من الحركات دى ذكية
صورك ليه تعرضيها
لا بنت ولا ولد يخدها منك
حفظى على نفسك من المقالب
وخليك فى النهاية انت الغالب

كتبته /هند

تسلم يمينك بما فعلت مع هذا الولد من مسح الصور انا فعلا كان معايا نفس الموضوع بس المرة دى بنت بس صدقنى بنت مش هاقول غير انها عندها حاله لا مبالاه عرضت صورها وصور بنت خالتها وعندما طلبت منها مسح هذة الصور لكى لا يا خذها احد وانت فاهم فبركه الصور زعلت على ايه مش عارف زعلت المهم اصبحت الصداقه الى كراهيه ولا اى شئ الكلام ده وبعدها بشر رايت انها قد غيرت هذة الصور بصور كاريكاتير وصور اسلاميه قولت فى بالى الحمد لله ربنا يستر عرض جميع نساء المؤمنين والمؤمنات وأهديهم يارب المؤمنين

شكرا يا مستر على على موضوعك الجميل

تقبل مرورى ابو شهد

لا داعى اساسا لوضع الصور سوال فين الاسرة وفين الام

موضوع جميل جدا اي علي وفي غاية الاهميه
وفعلا انتشر وضع الصور للبنات علي الفيس بوك وعلي المواقع وبسبب انتشار الصور استطاع بعض من محترفي الفوتوشوب عمل صور غير محترمة لبنات من عائلات وذلك بسبب وضع صورها علي الفيس بوك والمواقع والمنتديات فهو وبكل سهولة يستطيع اخد الوجه ووضعه علي جسم اخر وبذلك اصبحت الفتاه عرضة لاي شخص غير محترم او غاب عنه ضميره لفعل اي شيء بها

إن لم تستحي فإفعل ما شئت

عندك حق والله
حاجة غريبة اوى ازاى البنت تحط صورتها عادى كدا واوقات تحط صور غريبة اوى وهيا شبه عريانة
وتحط صور صحباتها
حاجة غريبة جدا
اما عن موضوع اشحنلى ده
فمنتشر جدا جدا وخصوصا لما تدخل شات
تلاقى واحدة فاتحالك الكامرا مخلياك تشوفها وتقولك اشحنلى وانا اوريك اللى انت عايزة
شى غريب والله
ربنا يستر علينا

انا بجد اشكرك على الموضوع الجميل ده
وانا سمعت فتوى من دار الافتاء بتحريم وضع صور البنات على الفيس بوك
وبجد انا مش شايفه ايه الفايده من وضع صورهم على الفيس بوك سالت نفسى السوال ده بس مش لقيت اجابه خالص مرضيه ليا عشان اعمل كده
ماهوا عشان اقوم بعمل عمل اقول ليه انا هاعمله عشان 1ا2و3 بس مش لقيت اى جواب على السوال ده انا ليه هاحط صورى بدات اجاوب مثلا
عشان اتطور مع العصر واواكب التكنولوجيا
ولا عشان النا س تقول مثقفه واصحابى يحسوا انى متفتحه على الحياه
مش عارفه والله

يا رب كل اخواتى يخدوا بالهم وميسمعوش كلام شيطانهم ويحطو صور ليهم
اللهم اهدى كل بنات المسلمين

[ وعليكم السلام ورحمة الله وبركاته بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين موفق بإذن الله ... لك مني أجمل تحية . شـكــ وبارك الله فيك ـــرا لك ... لك مني أجمل تحية . لى تعليق على هذا المنتدى والموضوعات التى يناقشها بالفعل هى موضوع الساعة انا شغلى على الانترنت وبالفضل بشترك فى منتديات ومواقع تعارف وفعلا لم اضع صورة لى على جهازى ولا اميلى ولا بحب كدا لان للاسف العقلية الشرقية للرجل بتفكر ان اى بنت تتكلم معاة ولا تحاورة هى متحررة ومش كويسة حتى لو من بيت محترم ومحترمة يبقى هيحبها ويتجوزها وانا طالبة برضو كنت بفكر انى كلامى مع الزملاء فى حدود طلب وبس وثبت لى ان دى عقلية الرجلالشرقى فعلا رغم انة ممكن يتجوز من بنت مش كويسة فى النهاية ولكن طبعا القرآن الكريم قال الطيبون للطيبات وكما تدين تدان وكل دا يجعلنا عندنا الثقة فى انفسنا ويجعنا برضو نتفكر بحرص بس دى عقلية الرجلالشرقى ولازم نبقى فاهمين كدا على فكرة انا من محافظة متدينة جدا فى مصر وهى الشرقية واتمنى ان اشارك مع الاعضاء ومراسلتى من خلال المنتدى فقط

الشكر لله يا مون وتسلمى علي ردك

احترم وجهه نظرك يا هنودة

واحلا ما في الكلام الشعر الاخير

الله يبارك بعمرك وكل واحد حسب تربيه اهله

تسلم يا ابو شهد ونورت الصفحه والله يهدي بنات المسلمين

كل اسرة وليها وضعها والله يستر علي بنات المسلمين

والله يا محمد كلامك بيحصل زي ما بنشوف البلاوى في المنتديات والمواقع

وربنا يهدي الجميع

ربنا يهدي الجميع يا احمد

تسلمي يا قمر

الشكر لله ودة اقل واجب ننصح بيه البنات

يارب العالمين

تسلمي يا ليلي علي مروك وربنا يهدي الجميع

ونورتي المنتي انتى وكل اهل الشرقيه

عندما تفقد الفتاة حياءها لا يصح القول عنها انها فتاة ..........استاذى الكريم ما زال هناك فتيات يستحين من ان يكشفن على ابائهن ولكن بما ان الوضع اصبح قائما وان الفتيات يعرضن انفسهن لكل من هب ودب .....يجب على الفتاة ان تدرك انها فتاة وان ما تفعله يضرها هى وحدها فقط..............

موضوع جميل جدا وتسلم لانك حافظت على البنات دى وجزاك الله كل خير

شـكــ وبارك الله فيك ـــرا لك ... لك مني أجمل تحية .

السلام عليكم ورحمة الله وبركاته بارك الله فيك - ياستاذ على
فعلا عندك حق القيم والمبادىء اليومين دول تكاد تكون شبه معدومة وكمان في نصيبة اكبر من النت الشباب الة بتصور بالموبيل وكاميرات الدجيتال في الافراح بدون علم اى حد والنصيبة الاكبر انا الشباب بتستغل صور البنات والفديوهات على النت ياريت رسالة لكل شاب ولكل ضمير عندو اخت اكيد حيحصل لااختك اعمل ياابن ادم كما تدين تودان المشكلة مش الصور بس المشكلة في الشباب نفسها انها بتستغل كل شي للضرر الموبيلاات الكاميرات في الافراح بيصورو البنات وبعد كدة بيعملوها ويقصوها ويضعوها على النت بالله عليكم ايها الشباب فوقو شوية حرام عليكم

فعلا اكبر غلطه تعملها البنت انها تحطت صورتها او حاجه شخصيه جدا عنها على الفيس بوك
لان الى بنسمعها فى الزمن ده وحش جدا
فمش لازم اى واحده تثق فى حد ما شفتوش ولا تعرفه الا من الكلام على النت
فما اسهل الكلام فى هذا الزمن
وجمال المرأه فى حيأؤها

السلام عليكم ورحمة الله وبركاته
طبعا كل كلمة صح احنا البنت مش عرفة بقينا كدة ليه بس الحقيقة مش كل البنت يعنى انا مثلا عندى نت بس فى مرقبة من ماما فى اوقات كتير جدا انا عرفة بنات بيحطو الصور والمشكلة انها بتكون عرفة معنى وخطورة الموضوع بس عايزة كد عشان تتعرف على حد مثلا او لغرض تانى على العموم ربنا يستر علينا

مفيش مسئوليه من اى شخص
ده حرام والله

ربنا يهدى ويصلح حال شباب وبنات المسلمين اجمعين
اللهم امين

بارك الله فيك - استاذ على
فعلا القيم والمبادىء اليومين دول تكاد تكون شبه معدومة الوجود

[align=center][table1="width:95%;"][cell="filter:;"][align=center]انا مش عرفة ليه البنات ببتحط صورها يعنى قصدها ايه من كده وكمان بلاقى البنت حطه صورتها مع جوزها او خطيبها مش عرفة ليه وسعات بيحطو رقم التليفون ويكتبو للتعارف الجاد
جزاك الله خير على الموضوع ده[/align][/cell][/table1][/align]

اشكرك يااستاذ علي على هذا الموضوع وربنا يكرمك وايكثر من امثالك

بارك الله فيك - استاذ على
فعلا القيم والمبادىء اليومين دول تكاد تكون شبه معدومة الوجود وياريت نناقش الموضوع ده وكمان نبعت نصايح على الفيس بوك والمواقع الشبيه للتوضيع واخذ الاجر لك تحياتى على الموضوع الرائع . على السيد

شكرا يااستاذ علي على هذا الموضوع المهم جدا وجزاك الله كل خير

السلام عليكم
اول شيء بشكرك يا استاذ على موقفك واتمنى ان كل شخص يعمل مثل ما عملت حضرتك ولكن الي زيك للاسف قلة انا بموت من الخوف بدون ادنى مبالغة من الي بيحصل وبسال وين دور الاهل مع اولاولاد وبالذات البنات واصبح الموضوع عندهم بلا حدودمن وضع صور سيئة لهم الموضوع مكانه البيت والام بالذات هي الي بتربي وبتاخذ بالها من بناتها ولو لم يحدث هذا تطلب العوض من الله.